Өй түренә үтегез, кунак булып китегез (0+)

17 гыйнвар көнне 17 нче санлы китапханәдә балалар өчен танып белү-уен программасы узды. 

Чарада катнашучылар татар халык мәдәнияте белән танышты, гаилә бәйрәмнәре турында мәгълүмат алды. Балалар борынгы заманнарда кулланылган әйберләрне күрде, әби-бабайларның тормыш-көнкүреш рәвешенә кагылды.
Алып баручы балаларны авыл йортына чакырды һәм мич, самавыр һәм татар халкының яраткан ризыклары турында сөйләде. 
Чара барышында йорт макеты белән таныштылар, «Капка», «Самавыр» уеннарын уйнадылар. Балалар халык кул эшләнмәләре турында шигырьләр, милли ризыклар турында җыр тыңлады.