«Тәмәке тарту. Без каршы, ә Сез?»: диалог-форум (12+)

21 ноябрьдә, Халыкара тәмәке тартудан баш тарту көнен билгеләп үтү кысаларында, Үзәк балалар китапханәсендә өлкән сыйныф укучылары белән бергә «Тәмәке тарту. Без каршы, ә Сез?» дигән диалог-форум уздырылды.

Диалог тәмәке тартуның зыяны турында видеофильм карау белән үрелеп барды, ул кеше тормышы куркынычсызлыгының төп темаларының берсенә – тәмәке тартуга кагылды. Яшьләр начар һәм яхшы гадәтләр турында сөйләште, никотинга бәйлелекнең төп сәбәпләрен, тәмәке тартучы кешене нинди сыйфатлары буенча танырга булуын ачыклады һәм тәмәкегә каршы викторина сорауларына җавап бирде. 

Очрашуда катнашучылар әлеге тема буенча фикерләре белән уртаклашты һәм тәмәке тарту да наркотиклар белән беррәттән сәламәтлек өчен куркыныч тудыра дигән нәтиҗәгә килде. Тәмәке тартучы – авыру һәм медицина дәвалавына мохтаҗ.