«Донбасс балалары, сугыш балалары…» (6+)

27 июль Донбасста сугыш корбаннары булган балаларны искә алу көне дип игълан ителде. Балалар һәлак булу – ул дөньяда булырга мөмкин иң зур фаҗига һәм хаксызлык. Һәлак булган һәр Донбасс баласы тормышта нәрсәгәдер ирешә алган булыр иде, үз хыялларын тормышка ашыра, бу дөньяны яктырак һәм яхшырак иткән була алыр иде. Әмма болар барысы да бер мизгел эчендә юкка чыга…
Хәтер һәм кайгы билгесе буларак, 14 нче санлы китапханә хезмәткәрләре укучылар өчен, Донбасстагы кораллы конфликт вакытында өзелгән гомерләрнең якты истәлегенә «Хәтернең ак кораблары» дигән мастер-класс һәм «Фәрештәләр аллеясы» дигән хәтер сәгате уздырды. 

Балалар бу көнне кайгы көненең барлыкка килүе, Донецкидагы Фәрештәләр аллеясы һәм прототибы 2014 елның августында Украина тарафыннан атышлар вакытында үз гомере бәрабәренә үзенең 9 яшьлек сеңлесен коткарган 13 яшьлек малай булган «Донбасс балаларына, сугыш балаларына» һәйкәле турында белде. Алар онытылмаска тиешле берничә фаҗигале вакыйга турында ишетте, Донбасс балаларына багышланган җырлар һәм шигырьләрне тыңлады. 

Мастер-класста һәркем кәгазь кораб ясады. Ак кораб, ак күгәрчен кебек үк – тынычлык, тынлык һәм азатлык символы. Солдатларыбызның бөек батырлыгын хәтердә саклау бик мөһим, һәм бу хәтер буыннан-буынга тапшырылырга тиеш. 
Очрашу азагында бер минутлык тынлык белән нәни фәрештәләрне искә алдылар.