«Балачакның яңгыравык көлү авазлары» Балаларны яклау көне (6+)

3 июнь көнне Үзәк балалар модель китапханәсендә  «Балачакның яңгыравык көлү авазлары» исеме астында Балаларны яклау көне узды.
Бу бәйрәм көнендә балалар китапханә белән танышып кына калмады, ә үзләре өчен бик күп мавыктыргыч яңа китаплар ачты. Гадәти булмаган эффектлар белән басмалар: хуш исле китаплар, сөйләшүче китаплар, шулай ук махсус кушыталар ярдәмендә телефон экранында җанланучы 3-D рәсемле һәм 4-D рәсемле басмалар аеруча игътибарны җәлеп итте. Бу балаларга тылсымлы әдәбият дөньясына кереп чумарга һәм үзләрен чын эзләнүчеләр итеп тоярга мөмкинлек бирде.

Капитан Рюк һәм аның тугры ярдәмчесе Акула уздырган «Барысын да өскә чакырып сызгырырга!» дигән уен программасы көннең төп вакыйгасы булды. Катнашучылар ике командага бүленде һәм маҗаралар, сынаулар белән тулы мавыктыргыч диңгез сәяхәтенә юл тотты. Балалар азарт белән төрле бәйгеләрдә катнашты: «Пиратлар эстафетасы» – аларны җитезлек һәм тизлектә сынады, «Төз ат!» – төз атуда һәм команда эше буенча тикшерде, «Арканнарны бирергә» – тәртип белән эшли белүдә сынады, ә «Диңгез төене» – тапкырлык һәм түземлекне тикшерде. Программа «Хәзинәләр эзләү» викторинасы белән тәмамланды, аның барышында балалар үз белемнәрен һәм игътибарлылыкларын күрсәтте. Күп уеннар һәм ярышлардан соң барысын да күңелле пират дискотекасы көтте, анда балалар ял итә, бии һәм яхшы кәеф җыя алды.  
Китапханәдә Балаларны яклау көне чын шатлык, дуслык һәм белемнәр бәйрәменә әйләнде, балаларның йөрәкләрендә якты хис-кичерешләр һәм монда тагын килү теләге калдырды.