«Китапханә дусларын көтә» Ачык ишекләр көне (6+)

21 майда 6 нчы санлы китапханә барлык китап, белемнәр һәм иҗат сөючеләр өчен чын җәлеп иткеч үзәккә әверелде. Матур фотозона-инсталляция бер карауда игътибарны җәлеп итте. Монда һәркем яраткан китаплары фонында истәлеккә фотога төшә һәм дөуслары белән уртаклаша алды. 
Бәйрәмне ачу тантанасыннан соң барлык теләге булганнар өчен китапханә буйлап мавыктыргыч экскурсия үткәрелде. Кунаклар бүлекләр белән танышты, яңа китаплар һәм укучылар өчен китапханә тәкъдим итә торган заманча мөмкинлекләр турында белде.  

Яшь укучыларны әкият геройлары — Мальвина һәм Йолдызлар санаучы каршы алды. Балалар «Әкиятләр белгечләре» викторинасында катнашты. Алар азарт белән сорауларга җавап бирде, яраткан персонажларын һәм сюжетларын искә төшерде. Катнашучыларга шулай ук өзек буенча танылган әсәрләрне танырга тәкъдим ителде, шуның белән үз интуицияләрен һәм укымышлылыкларын тикшерде. Залда «Яңа китаплар һәм классика» дигән китап күргәзмәсе оештырылган иде, анда рус һәм дөнья әдәбияты классикасы белән янәшә заманча әдәби процессның яңа китаплары тәкъдим ителде. 
Программаның иҗади өлеше — үзенчәлекле китап кыстыргычлары ясау буенча мастер-класс. Китапханәчеләр җитәкчелеге астында кунаклар китаплар өчен аксессуарлар ясады, һәм аларны истәлеккә өйләренә алып кайтып китте. Көннең кульминациясе танылган балалар язучысы Елена Степанова белән очрашу булды. Ул үзенең иҗади юлы турында сөйләде, кызыклы тарихлар беләе уртаклашты һәм яшь укучыларның сорауларына җавап бирде. Очрашу автограф-сессия белән тәмамланды.
Ачык ишекләр көне кунакларга бик күп кичерешләр, яңа белемнәр, уку һәм иҗат өчен илһам бүләк итте.