«Китапханәдә уеннар» өстәл уеннары көне (6+)

Бүгенге китапханә – кызыклы китап сайлап алу урыны гына түгел, ә вакытны файдалы итеп уздыру мөмкинлеге дә. Бу аралашу, иҗат, ял һәм уеннар өчен ачык киңлек. Мондый уенлы ярышлар фикерләү сәләтен, тапкырлыкны күрсәтергә, бәхетне сынап карарга мөмкинлек бирә.       

17 сентябрь көнне 13 нче санлы китапханә хезмәткәрләре Өстәл уеннары көне игълан итте. Балалар бик теләп өстәл уеннары – «Су асты дөньясы», «Тарихка сәяхәт», «Океанда» уеннары, шулай ук шахмат, «Чапаевлы» һ.б. уеннар уйнады, «UNO» уйнарга өйрәнде. Балаларның тавышы тынып тормады – беркем дә ямансулап утырмады. Катнашучылар, теге яки бу уенда узендә нинди дә булса сәләт ачып, файдалы, күңелле һәм кызыклы итеп көнне уздырды.