«Бар заманнар өчен драматург»: мәгълүмат көне (12+)
12 апрель көнне талантлы россия драматургы һәм язучысы Александр Николаевич Островскийның тууына 200 ел тула. Аның әсәрләрендә Россия театрларының классик репертуары төзелә. Язучының тормышы кызыклы вакыйгаларга бай, ә әдәби мирасы дистәләгән пьесалар белән исәпләнә.      Әлеге вакыйга уңаеннан шәһәр үзәк китапханәсенең белешмә-мәгълүмат бүлеге хезмәткәрләре «Бар заманнар өчен драматург» дигән мәгълүмат көне уздырды. Әлеге белем бирү программасы чарада катнашучыларның А.Н. Островскийның эшчәнлеге, драматург шәхесе һәм ул иҗат иткән дәвер турында белемнәрен киңәйтте. «Бар заманнар өчен драматург» дигән электрон презентация даһи рус язучысының тормыш юлы һәм иҗаты этапларын ачты. Спектакль һәм кинофильмнар өзекләреннән торган видеоязмалар чараны бай һәм эчтәлекле итте. «Бөек рус драма остасы» дигән иллюстратив-китап күргәзмәсенә күзәтү ясау барышында китапханәчеләр чарага килүчеләрне ватан һәм дөнья мәдәнияте һәйкәлләренә әйләнгән китаплар, әдәбиятны өйрәнү материаллары, пьеса авторының афоризмнары һәм цитаталары белән таныштырды. Очрашу азагында кунаклар «Александр Островский дөньясында» дигән әдәби викторинада катнашты. |
