Китапханәгә килүчеләрне кызыклы иллюстрацияләр, абстракт рәсемнәр һәм арт-объектлар дөньясы көтә. Беренче карашка тәңгәл килмәүче мәдәни элементлар һәм аллюзияләр рәссам иҗатында бер-берсенә бик җиңел яраша: бу традицион татар мәдәниятенә һәм Чаллы колоритына яңа караш. Күргәзмә ачылу тантанасында шәһәребезнең танылган яшь шагыйрьләре катнашачак. Данил Әхмәтшин коллаж ясау буенча мастер-класс үткәрәчәк. Сезне 5 февраль көнне 15.00 сәгатьтә шәһәр үзәк китапханәсендә узачак заманча сәнгать һәм шигърият кичәсендә көтеп калабыз! |
