«Китап белән дуслаш»: дуслар кичәсе (0+)
27 май көнне, «Букчадагы китаплар: иң яхшы әдәби уку» программасы кысаларында, 8 нче санлы балалар китапханәсендә Бөтенроссия Китапханәләр көненә багышланган «Китап белән дуслаш» дигән дуслар кичәсе узды.       Яшь китап сөючеләр иң әкияти, яхшы күңелле һәм кызыклы әкият, хикәя һәм шигырь геройлары яши торган «китап иле»нә мавыктыргыч сәяхәт кылды. Чара кунакларын әдәби геройлар көтте, алар китапханә кагыйдәләре белән таныштырды, китап укуның әһәмияте һәм аңа карата сакчыл мөнәсәбәттә булырга кирәклеге турында сөйләде. Шулай ук балалар китапны дөрес сайлап алу, китапханәдә китапларның урнашу принцибы, һәр китапның киштәдә үз урыны булуы, шунда саклануы турында белде. Укучылар «Әкият белгечләре» викторинасында, «Яраткан китап битләре буйлап» бәйгесендә һәм «Укыйбыз-уйныйбыз» уку уенында катнашты. Китапханә дуслары гаҗәеп матур китап дөньясына кереп чумды. |
