«Шатлык һәм яхшылык телим» иҗат сәгате (6+)

7 февральдә «Китаплы яллар» проекты кысаларында Үзәк балалар модель китапханәсендә иң җылы бәйрәмнәрнең берсе – Открыткалар җибәрү көненә багышланган «Шатлык һәм яхшылык телим» дигән иҗат сәгате узды. 
Китапханәнең яшь кунаклары рәсемле хатларның барлыкка килү тарихын һәм беренче открыткалар турында кызыклы фактларны, шул исәптән иң беренче нинди рәсем кулланылуы һәм нинди открытканың иң кыйммәтле булып саналуы турында белде.  

Балалар үз куллары белән төсле кәгазьдән матур открыткалар ясады, аны йөрәкләр, йолдызчыклар, салават күпере, единорог һәм кызык смайллар белән бизәде, аннан соң, кадерле кешеләренә бирү өчен, аларның исемнәрен язып куйды.
Яшь укучылар, үз куллары белән открыткалар ясап, уңай хис-кичерешләр генә алып калмады, ә якыннарына шатлык бүләк итүнең тагын бер ысулы белән танышты.