«Блокаданың бетмәс әрнүе» хәтер сәгате (6+)

26 гыйнвар көнне 8 нче санлы балалар китапханәсе яшь китап сөючеләр өчен  «Блокаданың бетмәс әрнүе» дигән хәтер сәгате үткәрде. 
Ленинград блокадасы – куркыныч һәм авыр вакыт, сугыш тарихында онытылмас бер бит, ул анда яшәүчеләрнең батырлыгына аерым бер ихтирам хисе уята. 
Чара «Буйсынмас Ленинград» китап күргәзмәсен карау белән башланды, анда шул чор, шәһәрне саклаучылар, «Тормыш юлы» турында әсәрләр, шулай ук дәһшәтле блокада вакытын үз башыннан кичергән шаһитларның истәлекләре тәкъдим ителде. 

Балалар блокаданың символы ачлыктан интегүчеләр өчен көтеп алган һәм аны табу мөмкин булмаган ипи кисәге булуы, аның көн саен диярлек үзгәреп торган составы, ипи карточкалары, аны югалту үлемгә тиң булуы, бирелергә тиешле ипи кисәгенең нормасы үзгәреп торуы һәм блокада көннәрендә аның зур әһәмияте турында белде. Күргәзмәдә балалар үз күзләре белән блокада икмәгенең нормасын күрә алды. Нәкъ менә шул кечкенә кисәк тормышны үлемнән коткарып торган. Чара азагында блокада вакытында һәлак булган ленинградлыларны бер минутлык тынлык белән искә алдылар.