 Илебезнең чиксез киңлегендә бүгенге көндә Россиянең горурлыгы булган Пушкинның якты исемен белмәүче кеше юктыр. Безнең өчен Пушкин – бөек рус шагыйре генә түгел, ә рус теле һәм культурасын тулаем үзгәртеп коручы да. Ул, төрле буын кешеләрен бәйләп торучы җеп кебек, барыбызны да бербөтен итә. 1837 елның 10 февралендә Санкт-Петербургта, Дантес белән фаҗигале дуэльдән соң, Кара елгада Александр Сергеевич Пушкин һәлак була. Әлеге кайгылы вакыйга Шагыйрьне искә алу көненә әйләнә һәм ил буенча билгеләп үтелә.
Бөек рус шагыйрен искә алу көне алдыннан, 9 февральдә 1 нче санлы китапханә «Гасырлар уза, ә Пушкин яши…» дигән хәтер сәгате уздырды. Чара башында кунаклар бөек шагыйрьнең тормыш юлы һәм иҗаты, дуэль һәм аның үлеме турында презентация карады, язучының тормышындагы кызыклы фактлар белән танышты. Чара барышында Пушкинның «Зимний вечер», «Я помню чудное мгновенье…», «Я вас любил…» һ.б. шигырьләре яңгырады. Кичә барысына да бөек классикның яраткан юлларын укырга һәм даһи шагыйрьгә баш ияргә, бөек язучының талантыннан илһам алырга мөмкинлек бирде.
|
