«Буйсынмас Ленинград каласы» батырлык сәгате (12+)

27 гыйнвар – илебез тарихында үзенчәлекле дата. Бу көнне 1944 елны озын-озак 900 көн һәм төн дәвам иткән Ленинград блокадасы өзелә. 
23 нче санлы китапханәдә «Буйсынмас Ленинград каласы» дигән батырлык сәгате уздырылды. Китапханә хезмәткәрләре балаларга камалышта калган Ленинград шәһәрендә яшәүчеләр җилкәсенә төшкзн авыр сынаулар: ачлык, суык, ир-атлар белән беррәттән заводларда эшләгән балалар һәм хатын-кызлар, совет солдатларының Ленинградны саклавы, аның өчен көрәшүе турында сөйләде. 

Балаларны кечкенә кыз Таня Савичева язмышы аеруча тетрәндерде. Аның көндәлеге Бөек Ватан сугышының бер символына әйләнгән. Укучылар игътибарына китап күргәзмәсе тәкъдим ителде. Балалар А. Чаковскийның «Блокада», В. Ардаматскийның «Ленинградская зима», Д. Гранин, О. Берггольц әсәрләре белән танышып, Ленинград халкының батырлыгы һәм ныклыгы, Ладога күле аша коткаручы «тормыш юлы» төзелеше турында белде. 
Чара азагында блокада вакытында һәлак булганнарны бер минутлык тынлык белән искә алдылар.