«Ачык һавада китапханә» (6+)

24 июль көнне «Ачык һавада китапханә» җәйге уку залы балаларны янәдән мавыктыргыч чараларга җыйды.  

«Шаяннар һәм тапкырлар өчен классика» әдәби викторинасы балаларга әдәбият өлкәсендә белемнәрен искә төшерергә һәм язучылар, аларның иҗаты турында яңа мәгълүматлар тупларга ярдәм итте. Яшь укучылар «Әкиятне һәм аның героен таны», «Өзек буенча әсәрне танып бел», «Исем һәм әтисенең исеме буенча язучының фамилиясен ата», «Сүзне бел» биремнәрен үтәде.
«Сәяхәт дәвам итә» уены бер өстәл артында балалар һәм «песиләр» Бастинда белән Мурчелла командасын берләштерде. Балалар фишкалар ярдәмендә әкият иленә мавыктыргыч сәяхәт кылды. Песиләр йортына килеп эләгер өчен, балаларга төрле сынаулар узарга туры килде. Аларга йә өч башлы Цербер һөҗүм итте, йә тычканнар мәкер эшләре белән комачаулады, йә юлларына этләр килеп чыгып киртә булды. Әмма, ахыр чиктә балалар җиңде һәм бу иң мөһиме! Шулай ук балаларга нардлар, шашкалар, шахматлар, шулай ук ребуслар, шарадалар һәм кроссвордлар тәкъдим ителде. 
«Төрледән-төрле балалар өчен вакытлы матбугат басмалары» журналлар ассортие катнашучыларны балалар газеталары һәм журналларыннан табышмаклар һәм ребуслар белән җәлеп итте, ә «Диңгез турында хыяллар» мастер-классы җәйге уку залы турында истәлек итеп балаларга открытка калдырды. 
Шулай ук яшь укучылар өчен «Кубик артыннан кубик», «Даһиның иярчене», «Сүз остасы», «Ач стаканнар», нардлар, шашкалар, шахматлар кебек өстәл уеннары, һәм шулай ук ребуслар, шарадалар, кроссвордлар тәкъдим ителде. Китапханәче балаларга өстәл уеннарының язу барлыкка килгәнче үк килеп чыгуы турында сөйләде. Уеннар игътибарлылыкны, күзәтүчәнлекне үстерә, хәтерне ныгыта, иҗади сәләтләрне ача, коллективта эшләргә өйрәтә.