Югары сыйныф укучылары өчен брейн-ринг үткәрелде (16+)
13
Октябрь 2018
Saturday
25нче октябрь көнне 12нче санлы татар китапханәсе укучыларны Татарстан Республикасының дәүләт символлары белән таныштыру, аларда толерантлык, гражданлык һәм патриотизм хисләре тәрбияләү максатыннан брейн-ринг уздырды. Әлеге бәйге һәркайсы 8-9 укучыдан торган ике команда арасында оештырылды. Уен барышында укучылар Татарстан Конституциясе һәм Халыклар бердәмлеге көннәре тарихы белән таныштылар, нинди хокукларга ия булулары турында мәгълумат алдылар, “Мин яратам сине, Татарстан!”дип исемләнгән викторина сорауларына җавап бирделәр. Уен ахырында һәр команда, Татарстанга багышланган җыр башкарып, үз осталыгын күрсәтте. |