«Гаҗәеп китап серләре» китапханә сәяхәте дәресе (6+)

16 апрель көнне 10 нчы санлы китапханә укучыларны китапханә сәяхәтенә чакырды. Чара китапханәдәге иң зур хәзинә – китапка багышланды. 
Китапханә дәресендә балалар һәр китапның үз серләре булуын белде. Һәр китапханәдә бик күп төрледән-төрле китаплар, һәм хәтта кайвакытта китапны дөрес сайлап алуы да авыр. Кайсы китап кызыклырак икәнен ничек белергә соң?

Кирәкле китапны сайлап алуда ярдәм итәр өчен, китапханәче балаларны китапның төп элементлары белән таныштырды һәм алар ярдәмендә ничек итеп китапның нәрсә турында язылган булуын, укучыга аның кызыклымы, кирәкме-юкмы икәнлеген аңларга мөмкин булуын сөйләде. Шулай ук яшь китап сөючеләр форзац, аннотация, ляссе, титул бите һ.б. яңа терминнар белән танышты.
Китап элементларын белү буенча викторина очрашуга йомгак ясады, укучылар үз белемнәрен күрсәтеп, барлык сорауларга да җавап бирде.