«Татарстанның энҗе муенсасы: шәһәрләр буйлап сәяхәт» китапханә сәяхәте (12+)

Татарстан – Көнчыгыш һәм Көнбатыш тарихы һәм мәдәнияте тыгыз үрелгән урын, монда гасырлар дәвамында төрле диндәге һәм төрле милләт кешеләре яши. Бу хакта һәм башкалар турында 12 декабрьдә уртанчы сыйныф укучылары 16 нчы санлы китапханә хезмәткәрләреннән «Татарстанның энҗе муенсасы: шәһәрләр буйлап сәяхәт» дигән китапханә сәяхәте барышында белде. Чарада балалар Татарстан Республикасы тарихы, аның башкаласы Казан, Татарстанның символлары, күпмилләтле мәдәнияте һәм республикада яшәүче халыкларның гореф-гадәтләре турында белде. 

Яшьләр шулай ук хәзерге заман Татарстанының казанышлары турында бик күп кызыклы мәгълүматлар алды, төбәк үсешенә үзләреннән зур өлеш керткән танылган һәм күренекле кешеләре белән танышты. Шәһәрләр буйлап виртуаль сәяхәт катнашучыларга Болгар, Зөя, Түбән Кама, Әлмәт, Алабуга һ.б. шәһәрләрнең тарихи һәйкәлләре һәм күренекле урыннары белән танышырга мөмкинлек бирде. Очрашу азагында укучыларга туган якны өйрәнү викторинасында катнашып, Татарстанның истәлекле урыннарын, милли бәйрәмнәрен һәм республикабыз территориясендә яшәүче халыкларның йолаларын, танылган шагыйрь һәм язучыларның исемнәрен искә төшерде, шуның белән үзләренең туган якны өйрәнү өлкәсендә булган белемнәрен тулыландыра алды. Чара халыклар мәдәниятенә хөрмәт һәм үзара аңлауны ныгытуга, безнең көннәрдә аеруча актуаль булган толерантлык тәрбияләүгә юнәлтелде.