«Боровецк чишмәсе янында» әңгәмә (0+)

26 март көнне китапханә хезмәткәрләре мәктәпкәчә яшьтәге балалар өчен экология, су ресурсларын саклау мәсьәләләренә багышланган чара уздырды. Яшь китап сөючеләр кеше өчен суның әһәмияте, нинди су чыганаклары булуы һәм ни өчен аларны сакларга кирәклеге турында белде. Балалар нинди чишмәләр булуы, аларның үзенчәлекле яклары һәм аермалыклары турында мәгълүмат алды. 

Чара кунаклары Боровецк урманындагы чишмәгә виртуаль экскурсия кылды. Чара азагында балалар табышмаклар чиште, су турында мәкальләр өйрәнде, рәсемнәр ясады.