Тәмәке тартуның зыяны турында әңгәмә (12+)
17 нче санлы китапханә уртанчы сыйныф укучылары өчен тәмәке тартуның зыяны турында әңгәмә-уйлану уздырды. Китапханәче катнашучыларны тәмәкенең барлыкка килү тарихы белән таныштырды, дөньяда әлеге начар гадәттән күпме кеше һәлак булуы һәм җәфа чигүе турында фактлар китерде. Чарага килүчеләр тәмәке тартуның куркыныч нәтиҗәләргә китерүе, тартучы кешенең үзенә генә түгел, ә әйләнә-тирәдәгеләргә дә зыян китерүе турында белде. Укучылар тәмәке тартуны нәрсә белән алыштырырга мөмкинлеген тәкъдим итте. Алар спорт белән шөгыльләнергә, сәяхәт итәргә, китаплар укырга, интернетта яңа программалар үзләштерергә, театрларга, төрле түгәрәкләр, яшүсмерләр өчен клубларга йөрергә киңәш итте. |