«Тынычлык төсе» АРТФЕСТ (6+)

Шәһәр үзәк китапханәсендә зур уңыш белән «Тынычлык төсе» АРТФЕСТы узды. 
29 мартта тынычлык хакына иҗат итү уртак идеясе белән берләшкән мавыктыргыч программа әзерләнгән иде.  
Фестиваль төрле яшьтәге чаллылыларның игътибарын җәлеп итте, алар оештырылган мәйданчыкларда булды. 
Кече картиналар галереясында «Палестина рәссамнар күзлегеннән» дигән Халыкара сәнгать күргәзмәсе ачылды, анда палестина, гарәп һәм россия осталарының әсәрләре тәкъдим ителде. Вернисажны Мактаулы кунак, фәлсәфә һәм юриспруденция докторы, «Европа — Азия» халыкара гуманитар академия академигы Бассам АЛЬ-БАЛАУИ ачты, күргәзмәне оештыручы да – ул. 

photo_5422847445215343321_y
photo_5422847445215343324_y
photo_5422847445215343327_y
photo_5422847445215343337_y
photo_5422847445215343342_y
photo_5422847445215343387_y
photo_5422847445215343394_y
photo_5422847445215343405_y
photo_5422847445215343318_y
photo_5422847445215343391_y
photo_5422847445215343367_y
photo_5422364398833497137_y

«Җиңү буяулары» дигән АРТ-киңлектә шәһәрнең профессиональ рәссамнары, ЧДПУ студентлары, Балалар сәнгать мәктәбе укучылары Бөек Ватан сугышында Җиңүнең 80 еллыгына багышланган рәсемнәр ясады. 
«Җиңүче образы» интерактив зонасы пластинкалардан яңгыраган сугыш чоры җырлары, җиңүче кыяфәтендә форма киеп фотога төшәргә мөмкин булган фотозонасы белән җәлеп итте. Шулай ук бергәләп сугыш чоры җырлары җырларга мөмкин булды.  
Әдәбият тарихы музеенда «Автокала әдәбияты» дигән уникаль күргәзмә оештырылды, һәр кунак шәһәребез тарихы һәм әдәби мирасы буйлап гаҗәеп сәяхәткә кереп чума алды. Алар шәһәр үсешенең төп этаплары турында белде, җирле язучылар галереясы, язучыларның шәхси әйберләре (агачтан, таштан кул эшләнмәләре, фотоальбомнар, фотоаппаратлар, басу машинасы, гармун, төзүче каскасы, медальләр, кулъязмалар һ.б.) саклана торган музейның архив материаллары белән танышты. Һәр катнашучы шагыйрә Рәзинә Мөхиярнең басу машинасында хәрефләр басып карый алды. 
Балчык эше, йоннан картина, мозаик картиналар, батик техникасында бизәү, саклаучы курчаклар ясау кебек күптөрле мастер-класслар үтте.

If you have found a spelling error, please, notify us by selecting that text and pressing Ctrl+Enter.

Поделиться: