«Укучылар тасмасы»: акция (6+)
1
Сентябрь 2022
Пәнҗешәмбе
1 августтан 31 августка кадәр 8 нче санлы балалар китапханәсендә «Укучылар тасмасы» дигән акция үтте. Акциядә төрле яшьтәге укучылар – өлкәннәр дә, балалар да катнашты. Китапханәдә «тылсымлы агач» барлыкка килде, теләге булган һәркем аны, үзе өстенлек биргән әдәбиятка бәйле рәвештә, төсле матур тасмалар белән бизи алды. Акция күрсәткәнчә, укучылар арасында аеруча әкият, маҗаралар һәм комикс сөючеләр күп булып чыкты. Ул китап һәм китап укуга игътибарны җәлеп итәргә мөмкинлек бирде, аның ярдәмендә китапханәчеләр укучыларга нинди әсәрләр кызыклырак булуын һәм ошавын белде. |