«Китапханә төне-2026» Гомумроссия акциясе (6+)

Ел саен узучы «Китапханә төне» акциясе кысаларында китапханә Россия халыклары дуслыгы үзәгенә әверелде, һәм кунакларны бай программа көтте. 
Ачу тантанасы Ләйсән Гарипова җырлары һәм театральләштерелгән тамаша белән үтте, анда Көлсылу, Шүрәле, Убырлы Карчык һәм башка геройлар әкиятләрне бутап бетерде һәм аларны тамашачылар белән бергә аерды, аларга 13 нче санлы сәнгать мәктәбенең «Агыйдел» бию төркеменә йөрүче балалар үзләренең дәртле биюләре белән ярдәм итте. 
Китапханә укучылары һәм кунаклары «Без бергә Россияне яратабыз» викторинасында катнашты, эрудицияләрен күрсәтте, илебез символларын таныды һәм гореф-гадәтләр, йолаларны искә төшерде. 
Нәни кунаклар өчен Габдулла Тукай әкиятләре мотивлары буенча, «Маша и медведь», Россия халыкларының фольклор мотивлары белән «Как звери весну искали» әсәре буенча курчак театры спектакльләре куелды.
Әдәби өлеш «Ләйсән» берләшмәсенең татар, башкорт һәм башка телләрдә шигъри композициясен, «Россия – мәдәниятләр мозаикасы» күргәзмәсенә күзәтүне, «Китаплар халыкларны берләштерә: илнең әдәби мирасы» күргәзмә-күзәтүен, шулай ук язучы Юрмет Нагиев белән очрашуны үз эченә алды.

Сәнгать бүлегендә «Автор сүзе» (Казан) китап берләшмәсе белән әдәби-музыкаль очрашуга шагыйрьләр, язучылар, яхшы әдәбият сөючеләр җыелды. Берләшмәгә нигез салучы Оксана Бирюкова хәзерге заманда ничек итеп һәр кешенең үз китабын бастырып чыгара алуы турында сөйләде. Китап авторлары ничек итеп үз китапларын нәшер итәргә карар кылулары һәм моннан нәрсә килеп чыгуы белән уртаклашты.
«Тылсымлы самавыр» чәйханәсендә кунаклар татар халкының чәй эчү гореф-гадәтләре белән танышты, чәк-чәк, кош теле һәм үлән чәйләрен татып карады.  
Кулдан эшләнгән бизәнү әйберләре, түбәтәйләр, брошкалар һәм алкалар белән «Татар милли бизәкләре» күргәзмә-ярминкәсе эшләде.  
Бар яшьтәгеләр өчен лото, шашкалар, «Мафия», «Монополия» һәм «Имаджинариум» белән уеннар оештырылды.
Шулай ук Космонавтика көненә багышланган «Чиксезлеккә адым» фильмы белән мобиль планетарий эшләде. 
«Китапханә төне» китапларны, гореф-гадәтләрне, иҗатны һәм кунакларның матур елмаюларын берләштергән бәйрәм бүләк итте. 

Күбрәк фотолар монда.