Бөтендөнья китап сөючеләр көне

Бөтендөнья китап сөючеләр көне — 9 августта барлык әдәбият һәм китап сөючеләр тарафыннан билгеләп үтелә торган рәсми булмаган бәйрәм. 

Уку – ул ләззәт бирүче һәм күңелне күтәрүче яраткан шөгыль генә түгел Аның әле күп кенә өстенлекләре дә бар: аң-белемне киңәйтә, стрессны киметә, укучыларга яңа мәгълүмат бирә һәм киләчәккә яңа юллар ачарга мөмкинлек бирә. 

Укырга яратучы кеше өчен яңа китап белән очрашу иң көтеп алынган күңелле мизгелдер. 

Календарь көннәренә карамый, үзегез өчен теләсә кай вакытта Китап сөючеләр көне уздырыгыз. Чөнки китап белән һәр очрашу – ул тылсымлы белем һәм кичерешләр дөньясына сәяхәт.