 «Җырдай моңлы туган телем!» – шундый матур исем астында 2021 елның 23 гыйнварыннан 27 февраленә кадәр шәһәр Үзәк китапханәсендә музыкаль-шигъри бәйге узды. Әлеге чараны балалар һәм яшүсмерләр бүлеге хезмәткәрләре әдәбият, музыкаль иҗат аша туган ягыбызның кешеләре, йолалары һәм гореф-гадәтләре белән ни дәрәҗәдә күптөрлелеген, матурлыгын һәм талантлылыгын күрсәтергә мөмкинлек бирү нияте белән оештырды. ВКонтакте һәм Instagram социаль челтәрләрен кулланучылар туган телне яратуларын аңлата алды.
Тантана чарасы үтте, бәйге нәтиҗәләре үз гореф-гадәтләребезне, телебезне, мәдәниятебезне саклыйбыз һәм ихтирам итәбез дигән нәтиҗә ясарга мөмкинлек бирә. Иң нәни катнашучыларыбызга 4 яшь, шуңа да карамастан алар туган тел турында шигырьләрне бик җитди һәм яхшы итеп башкарды!
Бәйгедә азәрбайҗан, украин, татар һәм, әлбәттә, рус телендә әсәрләр яңгырады! Жюри әгъзалары белдерүенчә, видеоязмаларны кат-кат карау теләге туды. Балалар үз чыгышларына якын килде, техник ысуллар, фон, музыка, костюмнар кулланды.
Катнашучыларның географиясе Чаллы, Казан, Зәй шәһәрләре, Нижневартовск районнарын колачлады. Мондый бәйгеләр яңа талант ияләрен генә ачып калмый, ә арабызда яшәүче төрле халыкларның мәдәнияте матурлыгын күрү шатлыгы да бүләк итә. Бердәмлектә – безнең көч һәм күпмилләтле илебезнең кабатланмаслыгы!
P.S.: Катнашучыларның видеоязмалары балалар һәм яшүсмерләр бүлегенең ВКдагы битендә март ае дәвамында урнаштырылачак
Үткәрү урыны: Чаллы шәһәре, Ямашев бульвары, 4/14А йорты (ГЭС, 4/14 А) адресы буенча шәһәр Үзәк китапханәсенең балалар һәм яшүсмерләр бүлеге.
Белешмәләр өчен телефон: (8552) 70-12-52.
Бәйгенең нигезләмәсе
Бәйгедә җиңүчеләр исемлеге
|
