Урам мультфильмнары фестивале гаризалар кабул итә башлый

Чаллы шәһәре малайлары һәм кызлары!
Егетләр һәм кызлар! Нәниләр һәм тинейджерлар!

4 яшьтән алып 18 яшькәчә булган барлык укучыларыбыз! Урам мультфильмнары фестиваленә www.cartoonfest.mobi! кушылыгыз.
Безнең анимацияләр бәйгесендә син үз «Простоквашино» яки «Ну, погоди!»ыңны булдыра, «Петя һәм Бүре маҗаралары» яки «Ерактагы патшалыкка эләккән Вовка» турында тарихның дәвамын уйлап таба алачаксың. Һәм уйлап табып кына түгел, ә бөтен илебезгә күрсәтә алачаксың!

Бездә тулысынча ирекле иҗат! Кояшлы куяннар, токмач һәм кисельдән мультфильмнар – рәхим ит. Бәйгедә катнашучылар теләсә кайсы техникада, кул астындагы материаллардан теләсә нинди темага – сәнгать, дуслар, гаилә, спорт, туган як мәдәнияте, җәйге каникуллар турында анимацион рәсемнәр ясаячак. Шулай ук Нәни Ябалак – Фестивальнең символы турында берәр вакыйга уйлап табарга һәм төшерергә мөмкин. Шуның өстенә, быел яшь талантлы драматурглар иң яхшы мультфильм сценариячесе исеменә лаек булу өчен көч сынаша алачак. 

Бәйгегә 2021 һәм аннан соңгы елларда эшләнгән һәм 2022 елның 31 августына кадәр ачык чыганакларда басылып чыккан эшләр кабул ителә. Катнашучыларга эшләрне проектның сайтында форма аша, исем, яшь, ил һәм шәһәрне күрсәтеп, җибәрергә кирәк булачак. 
31 октябрьдә жюри бәйгегә нәтиҗәләр ясый. 

Синең мультфильмны составында «Союзмультфильм» киностудиясе режиссёрлары һәм рәссамнары, Бөтенроссия дәүләт кинематография институтының мультимедиа һәм анимация факультеты укытучылары булган жюри бәяләячәк. 

Катнашу шартлары турында тулырак проектның сайтында www.cartoonfest.mobi яки Фестивальнең ВКонтактедагы төркемендә https://vk.com/cartoonfest.mobi белергә була. 

Барлык сораулар буенча: + 7 985 910 777 3 (WhatsApp, TG), cartoonfestmobi@gmail.com
Анна Ленкова