«Музейга экспонат бүләк ит» акциясе (0+)

Шәһәр үзәк китапханәсенең әдәбият тарихы музее Бөтендөнья язучылар көне кысаларында оештырылган «Музейга экспонат бүләк ит» акциясе игълан итә. 
Акция 2022 елның 1 февраленнән 3 мартына кадәр әдәбият тарихы музее фондын Татарстан Язучылар берлеге Чаллы бүлеге язучыларының тормышы, иҗаты һәм хезмәт эшчәнлеге белән бәйле яңа экспонатлар белән тулыландыру максатыннан уздырыла. 

Экспонатлар сыйфатында:
– язучының иҗаты, хезмәт эшчәнлеге белән бәйле әйберләр;
– үткән еллар тормыш-көнкүреш әйберләре, язу-сызу кораллары;
– фотолар, документлар, грамоталар, китаплар (автографлары булган китаплар), афишалар;
– элекке открыткалар, календарьлар (тематик тупланмалар), картиналар, маркалар һ.б.;
– электрон видеоматериаллар һ.б. кабул ителә.

Адрес: Чаллы шәһәре, Х.Ямашев бульвары, 4/14А йорты.

Белешмәләр өчен телефон: 8-917-283-50-96.

Шәһәркүләм акциянең нигезләмәсе