«ИЛҺАМ» – өлкән буын вәкилләре клубы

1.Гомуми кагыйдәләр. Клубның исеме, рәсми статусы.
1.1. Клуб шигырь, җыр сөюче һәм бергәләп иҗади ял итәргә теләүче ЗЯБ бистәсендә яшәүчеләрнең ирекле иҗтимагый берләшмәсе.
1.2. Яшенә һәм социаль хәленә карамастан, иҗади яки иҗат белән кызыксынучы теләгән һәр кеше клуб әгъзасы була ала.
1.3. Үз эшчәнлегендә клуб әлеге уставка таяна.
2. Клуб эшчәнлегенең максатлары һәм бурычлары.
2.1. Максатлары:
ЗЯБ бистәсе кешеләрен мәдәни эшчәнлеккә, иҗади үсеш һәм аралашу өчен берләштерү.
Клуб әгъзаларының иҗади потенциалын үстерү, үз иҗат җимешләрен булдыруда ярдәм итү.
Халыкның мәдәни ялын оештыру. Шигърияткә һәм музыкага, сәнгатьнең башка төрләренә кызыксыну уяту.
Клуб эшчәнлеге, оештырылган китапханә чараларында һәм мәдәни программаларында, социомәдәни тормышында актив катнашу.
2.2. Бурычлар:
Төрле сәнгать эшчәнлекләренә багышланган клуб утырышларын оештыру һәм уздыру.
Илебез һәм чит ил язучылары, композиторлары, музыкантларының иҗатын популярлаштыру.
Туган якны өйрәнү эше.
Клуб әгъзаларының мәдәни-белем бирү һәм мәдәни-ял итү китапханә чараларында катнашуы.
Шәһәрнең башка иҗади берләшмәләре, белем бирү, мәдәният һәм сәнгать учреждениеләре белән хезмәттәшлек итү.
Рәсми булмаган иҗади аралашу өчен мөмкинлекләр һәм иҗади үсеш алу өчен шартлар тудыру.
3. Клуб эшчәнлеген оештыру.
3.1. Клуб эшчәнлеге алдан расланган үсеш планы буенча алып барыла. Ул бер елга клуб әгъзалары теләген исәпкә алып төзелә.
3.2. Клуб утырышлары аена бер тапкыр уздырыла.
4. Клуб җитәкчелеге.
4.1. Клуб белән Гомуми Оештыру Җыелышында иң күп тавыш җыеп сайланган Президент җитәкчелек итә.
4.2. Клуб белән идарә итүнең гамәли органы Актив (административ совет). Ул берләшмә әгъзалары тарафыннан Гомуми Оешма Җыелышында сайлана.
5. Клуб әгъзаларының хокуклары һәм бурычлары.
5.1. Хокуклары. Клуб әгъзалары:
Клуб уздырган барлык утырышларда һәм чараларда катнашу хокукына ия.
Башка иҗади берләшмәләр эшчәнлегендә дә катнаша ала.
Клуб эшчәнлегенә кагылышлы үз тәкъдимнәрен һәм кисәтүләрен ясарга мөмкин.
Клуб Активына сайлану хокукына ия, Клубның җитәкчелек органнарына үз кандидатурасын тәкъдим итә ала.
5.2. Бурычлары. Клуб әгъзасы тиеш:
Әлеге Устав таләпләрен үтәргә.
Клуб эшчәнлегендә актив катнашырга.
Клуб әгъзалары һәм кунаклары белән аралашканда хөрмәт һәм әдәплелек, башкача фикерләүче кешеләргә карата толерантлык күрсәтергә.
Клуб һәм китапханә милкенә сакчыл карарга.