Татарстанда 2023 ел милли мәдәниятләр һәм традицияләр елы дип игълан ителде. Бу хакта ТР Дәүләт Советына еллык Юлламасында республика башлыгы Рөстәм Миңнеханов белдерде.
(Татарстан Республикасы Президентының «2023 елны Татарстан Республикасында милли мәдәниятләр һәм традицияләр елы дип игълан итү турында» 20.10.2022 № ПУ-750 Указы)

1992 елның 8 июлендәге 1560–XII санлы «Татарстан Республикасы дәүләт телләре һәм Татарстан Республикасында башка телләр турында» ТР Законы

Чаллы шәһәре анда яшәүче халыкларның мәдәни һәм телләр күптөрлелеге белән аерылып тора. Шәһәрдә татарлар, руслар, чувашлар, мордвалар, удмуртлар, марилар һәм башка милләт вәкилләре яши һәм хезмәт куя. Шунлыктан китапханәләр, халык белән эшләп, үз алларына төп бурычлар итеп түбәндәгеләрне куя: мәдәниятләр бәйләнешен эзләү, төрле халык вәкилләренең иҗатын популярлаштыру, телләрне өйрәнү һәм үстерү, милләтара дуслыкны һәм күршелек элемтәләрен ныгытырга ярдәм итүче чаралар үткәрү.
Сезнең игътибарга «Чаллы – халыклар бердәмлеге» интерактив битен тәкъдим итәбез. Веб-битнең төп идеясе – башка этносның мәдәниятен аңлау, кабул итү өчен аны өйрәнергә һәм аңларга кирәк. 
Әлеге бит төрле видео, аудио, график һәм текст форматындагы чыганаклар белән танышу мөмкинлеге булдыра. Бу ресурс Чаллыда рәсми теркәлгән милли оешмалар турында мәгълүмат бирә. Вакыйгалар календаре «Иван Купала», «Питрау», «Ханука», «Сабантуй» кебек төбәкара традицион йола бәйрәмнәре белән таныштыра.  
Проектта шәһәребездә яшәүче төрле халык телләрендә язылган әдәбият белән танышуга аерым игътибар бирелә. Аларда күпмилләтле мәдәниятләрнең үзенчәлекләре ачык чагыла. 

Чаллы – мәдәни күптөрлелеккә сакчыл мөнәсәбәт һәм аны саклау үрнәге. «Чаллы – дуслар каласы» бүлегендә Чаллы шәһәренең милли-мәдәни оешмалар турында мәгълүмат тәкъдим ителә. 

Китаплар халыкларны берләштерергә сәләтле. «Медиатека» бүлеге төрле халыклар әдәбиятына багышлана. Монда һәркем үз туган телендә язылган китаплар турында мәгълүмат таба алачак! Шулай ук билгеле бер тема буенча пресс-клиппинг (Басма матбугат битләренең сканнары) тәкъдим ителә.
«ҮКС» МБУнең гомуми китап фонды – 777 394 берәмлек, Россия халыклары телләрендә – 127 634 берәмлек.

Милли ризыклар серләре халык мәдәниятенең бәһасез бер элементы буларак гадәттә кадерләп саклана һәм буыннан буынга тапшырыла бара. Сезгә шәһәребезнең төрле милләтләре ризыкларын әзерләү серләре белән танышырга тәкъдим итәбез. 

Татарлар, руслар, чувашлар, удмуртлар, мордвалар, марилар, керәшеннәр – борын-борыннан үз милли бәйрәмнәрен билгеләп үтә. «Вакыйгалар календаре» бүлеге төрле халыкларның җыр һәм бию мәдәнияте, Чаллы каласында уздырылучы бәйрәмнәре һәм мәдәни вакыйгалар белән таныштыра. 
Шәһәрдә ел саен үткәрелеп килүче бәйрәмнәр арасында украин оешмасы белән берлектә уздырылучы Иван Купала; керәшеннәр оешмасының Питрау һәм Нардуган йола бәйрәмнәре; чуваш оешмасы белән берлектә Уяв язгы күңел ачулар; таҗик, лезгин, үзбәк, азәрбайҗан оешмаларының Нәүрүз бәйрәме; еврейларның Ханука һәм Пурим бәйрәмнәре бар.

Халык уеннары – хәрәкәт шатлыгы рухи туклану белән үрелеп барган бәяләп бетергесез милли байлык.  Этноспорт, традицион уеннар һәм күңел ачулар бүлеге төрле халык уеннары белән таныштыра. Чөнки алар милли мәдәниятнең аерылгысыз бер өлеше, балаларны тәрбияләүнең бер ысулы, һәм кешене тормыш юлында озата баручы йолаларның әһәмиятле өлеше булып тора. 

Виквиз битендә буш вакытны файдалы итеп үткәрергә була. Сезгә онлайн викториналар, тестлар, башваткычлар, кызыклы уеннар сорауларына җавап бирергә һәм төрле танып белү күңел ачуларында катнашырга тәкъдим итәбез. 

Татарстанда Туган телләр һәм халыклар бердәмлеге елына багышланган «ҮКС» МБУ вакыйгаларына күзәтү бите үткәрелгән чаралардан фото һәм видеолар белән даими тулыландырылып бара.