Сталинград – үлемсез шәһәр, Бөек Ватан сугышы елларында аның янында хәлиткеч сугышлар бара. Халкыбыз һәм аның Кораллы көчләре бөтен кешелек дөньясын явыз фашист илбасарларыннан азат итте, бу батырлык даны мәңге сүнмәс. Сталинград шәһәре өчен сугыш – икенче бөтендөнья сугышының иң мөһим көрәшләренең берсе. Ул 200 көн дәвам итә.
Мамай курганы… Аны фашист басып алучыларына каршы көрәштә батырлык, ныклык һәм кабатланмас каһарманлык символы буларак Россиядә генә түгел, ә бөтен дөньяда беләләр. Сталинград җирендә, Россиянең иң мөһим үрләренең берсенә әверелгән 102 биеклеге өчен көрәштә Бөек Ватан сугышы тарихында кискен борылышлар башлана.
140 көн һәм төн дәвамында Мамай курганы өчен дәһшәтле сугыш хәрәкәтләре бара. Совет халкының батырлыгы канкойгыч көрәшләр барган урында урнаштырылган мәһабәт һәйкәлдә мәңгеләштерелә.
Маршал Жуков җитәкчелеге астында «Уран» операциясе эшләнә, анда генераллар Ватутин, Рокоссовский, Ерёменко катнаша.
Сталинград сугышы, кешелек дөньясын фашистлыктан коткарырга сәләтле дәүләт буларак, СССРның абруен күтәрде һәм Европаның оккупацияләнгән илләрен азат итү өчен яңа көч бирде.
                                                    
|
