Әдәбият тарихы музее

– үз әдәби-туган якны өйрәнү ресурсларын киң кулланылышны тәэмин итү юлы белән урта һәм югары уку йортларында уку-укыту процессын камилләштерүдә булышу;

– музей профиле буенча бердәм мәгълүмат базасы булдыру;

– аудио, видео, компьютер кассеталары һәм дискларында сакланучы мәгълүмат фондын формалаштыру.

Бүлек мөдире – Хәмидуллина Роза Галимулла кызы, Татарстанның атказанган мәдәният хезмәткәре (2012).

Музей эше дүрт төп юнәлештә алып барыла:

1. Фәнни-эзләнү юнәлеше фондны тулыландыру өчен эзләнү эшчәнлеген, фәнни тикшеренүләрне, археографик һәм фольклор экспедицияләрен оештыру эшен, шулай ук алдан өйрәнелгән әдәбият һәм профильле тематиканың башка чыганаклары нигезендә материаллар туплауны, җыелган материалның исәбен алып бару һәм сакланышын тәэмин итүне, аны өйрәнүне, экскурсияләрдә кулланылучы мультимедиаларны һәм текстны әзерләү, музейның тышкы бизәлеше, торышы проектларын төзүне үз эченә ала.

2. Агарту юнәлеше бай мәгълүмати киңлек даирәсен булдыру, шәһәрдәшләр өчен экскурсияләр уздыру, язучыларның иҗат һәм әдәби-музыкаль кичәләрен оештыру һәм үткәрү, күргәзмәләр әзерләү, Татарстан һәм Россия Язучылар берлекләренең җирле бүлекләре, Татарстан рәссамнар берлеге һәм шәһәребез, төбәгебезнең башка иҗтимагый оешмалары белән бергә үткәрелүче чараларда актив катнашуны күздә тота. Әдәбият тарихы музеенда 2007 елдан бирле «Ләйсән» әдәби берләшмәсе эшли.

3. Коммуникатив юнәлеш мәгълүмати ачыклыкны, консультация эшчәнлеген, профессиональ язучылар, туган якны өйрәнүче галимнәр, шәһәрдәге әдәби берләшмәләр һәм түгәрәкләр белән үзара аралашуны, шулай ук республика һәм шәһәребезнең башка музейлары белән иҗади элемтә булдыруны үз эченә ала.

4. Уку-укыту һәм методик эш юнәлеше студентлар, мәктәп укучылары өчен әдәби һәм туган якны өйрәнү дәресләре уздыруны, педагогия институтлары студентларына музей практикасы үтүдә ярдәм итүне, уку-укыту һәм методик материаллар (аудио-видеочаралар, лекция текстлары, методик эшләр, рефератлар, биобиблиографик белешмәлекләр, фотоальбомнар, видеофильмнар, җирле язучыларның тормыш юлы һәм иҗатына багышланган курс һәм диплом эшләре тестлары һ.б.) фондын булдыру, нәшрият эшчәнлеген күзаллый.

Музейда ике меңнән артык экспонат бар. Аның экспозицияләре шәһәребез һәм Чаллы төбәгенең КамАЗга кадәрге чорыннан башлап хәзерге көнннәргәчә булган әдәби тормышын яктырта. Музейның төп экспозициясендә танылган җирле язучыларның тормышы һәм иҗаты, Яр Чаллы язучылар оешмалары – Россия һәм Татарстан Язучылар берлекләренең җирле бүлекләре тарихы, КамАЗ шагыйрьләре, автокалада кунак булган Мәскәү язучылары Роберт Рождественский, Евгений Евтушенко, Феодосия Видрашку һ.б. турында сөйләнә. Гомәр Бәширов, Хәсән Туфан, Сибгат Хәким, Гариф Ахунов кебек татар классикларына һәм яшь чаллылыларның әдәби иҗатына зур урын бирелә.

Яшь чаллылылар иҗаты – әдәбият тарихы музееның бер бүлеге, ул Айгөл Нуретдинова, Энҗе Афзалова, Ленар Сафин, Булат Садретдинов, Светлана Сафонова кебек Чаллының талантлы яшьләре һәм шигырь, проза китаплары авторлары иҗатына багышлана.

Икенче Удар Армия сугышкан урыннардан материаллар 1990 елның җәендә Мясной Бор авылы янында Үлем Үзәнендә М.Җәлил исемендәге шәһәр Үзәк китапханәсе хезмәткәре Роза Хәмидуллина тарафыннан җыелды.

 

 

МУЗЕЙНЫҢ УҢЫШЛАРЫ ҺӘМ КАЗАНЫШЛАРЫ

2007 ЕЛ
– Эш нәтиҗәләре буенча әдәби музей оештырудагы актив эше һәм мәдәни-агарту эшчәнлеге алып барган өчен «ҮКС» МБУ Дипломы;
– актив фәнни-эзләнү һәм әдәби-пропагандалау эшчәнлеге өчен, шулай ук Әдәбият тарихы музееның бер еллыгы уңаеннан Россия язучылар берлеге Дипломы.
2008 ел
– Россиядә рус теле елында алып барган актив фәнни-эзләнү һәм әдәби-пропагандалау эшчәнлеге өчен Россия язучылар берлеге Дипломы;
– Татарстан Республикасы Гранты Җиңүчесе Дипломы;
– «ЕЛ ПРОЕКТЫ» номинациясендә җиңгән өчен шәһәр Мәдәният идарәсенең Дипломы.
2009 ел
– Татарстанның әдәби мирасына сакчыл мөнәсәбәт өчен РУСИЯНЕҢ АЛТЫН КАЛӘМЕ Рәхмәте (Мәскәү)
2011 ел
– «Чаллы биографияләре» профессиональ конкурсы нәтиҗәләре буенча иң яхшы эш өчен Диплом.
2017 год
– Диплом МБУ «ЦБС» за победу в номинации «Самая содержательная web-cтраница»;
2017 год
– Рәхмәт хаты Татарстан Язучылар берлегенең Чаллы бүлеге, татар әдәбиятын пропагандалау, Чаллы төбәге язучыларының әсәрләре аша күпсанлы китап укучыларга рухи тәрбия бирү юнәлешендәге фидакарь хезмәте өчен.
2022 год
– Диплом участника МБУ «ЦБС» в профессиональном конкурсе «История библиотеки в мультимедиаформате»;
2022 год
– Благодарственное письмо руководителя Исполнительного комитета г.Набережные Челны, в связи с 15-летним юбилеем литературно-краеведческого музея;
2022 год
– Диплом III место заместителя Премьер-министра Республики Татарстан, Председателя Национального Совета Всемирного конгресса татар В.Г. Шайхразиева, в номинации «Музей-экспозиция, посвященная М.Джалилю»;
2022 год
– Грамота Татарстанское отделение Союза писателей России, за активное участие в литературной и культурной жизни города и региона;

МУЗЕЙНЫҢ СОЦИАЛЬ ПАРТНЕРЛАРЫ: мәктәпләр (3, 4, 10, 12, 16, 18, 19, 20, 25, 26, 28 нче һ.б.), көллият студентлары (сәнгать училищесы), югары уку йортлары студентлары (КФУ, КАИ филиаллары). Шулай ук ветераннар, Комсомол районының сугыш һәм хезмәт ветераннары, шәһәрнең педагогик коллективы. Язучылар оешмалары, «Ләйсән», «Орфей» әдәби берләшмәләре әгъзалары.

НӘШРИЯТ ЭШЧӘНЛЕГЕ

ЯЗУЧЫЛАР ИҖАТЫ БУЕНЧА СЦЕНАРИЙЛАР (татар телендә)

Музейның эш тәртибе: дүшәмбе-җомга 10.00 сәгатьтән 17.00 сәгатькә кадәр.

Экскурсияләр үткәрү өчен гаризалар аерым кешеләрдән һәм коллективлардан кабул ителә.

Музейның адресы: Х.Ямашев бульвары, 4 нче йорт («Татарстан» кунакханәсе артында урнашкан шәһәр Үзәк китапханәсе бинасында).

Элемтә өчен телефоннар: (8552) 70-02-54, 70-02-26; факс: (8552) 70-02-29.

Электрон адрес: library-CBS@mail.ru.  http://library.nabchelny.ru/

Рәхим итегез, кадерле дуслар!