Шәһәр балалар китапханәсе (Яңа шәһәр, 17/15 йорты)

СЕЗНЕ ҮЗӘК БАЛАЛАР КИТАПХАНӘСЕ БИТЕНДӘ

СӘЛАМЛИБЕЗ!

1

«ҮКС» МБУ Үзәк балалар китапханәсенең НИГЕЗЛӘМӘСЕ

Адресы: 

Яр Чаллы шәһәре, Тынычлык пр., 61 нче йорт (Яңа шәһәр, 17/15 йорты)

(«Райисполком»  яисә «Курчак театры» тукталышы).

Эш тәртибе:

Дүшәмбе-җомга – 10.00 сәгатьтән 19.00 сәгатькә кадәр.

Шимбә – 9.00 сәгатьтән 17.00 сәгатькә кадәр.

Ял көне – якшәмбе.

Июнь-август айларында китапханә җәйге расписание буенча эшли:

Дүшәмбе-җомга – 9.00 сәгатьтән 18.00 сәгатькә кадәр.

Ял көне – шимбә, якшәмбе.

Санитар көн – һәр айның соңгы көне.

Тел.: (8552) 38-30-26
Е-mail: CBS-art@mail.ru

 

Без социаль челтәрдә

БЕЗНЕҢ КИТАПХАНӘ

Үзәк балалар китапханәсе (универсаль) – шәһәребезнең иң өлкән китапханәләренең берсе. Ул үзенең укучылары өчен 1969 елның 27 гыйнварында ГЭС бистәсендә шәһәрнең беренче балалар китапханәсе буларак тәүге тапкыр ишекләрен ача. Алга таба ул Үзәкләштерелгән китапханәләр системасының Үзәк балалар китапханәсенә әйләнә.

Китапханәдә ел саен 5 меңнән артык китап укучы була. Алар арасында мәктәпкәчә һәм мәктәп яшендәге балалар, студентлар, укытучылар, китапханәчеләр, балалар укуын оештыручылар, ата-аналар, пенсионерлар бар. Китапханә фондында төрле яшьтәгеләр өчен 77 меңнән артык китап һәм якынча 100 исемдәге газета һәм журнал санала. Ел саен 75 меңләп данә китап тапшырыла, шул исәптән 45 мең тирәсе – балаларга.

Китапханә хезмәт күрсәтү һәм ялны оештыручы, иҗади сәләтләрне үстерү, уку программасын үзләштерүдә шәһәребез балаларына ярдәм күрсәтү буенча зур эш алып бара. 

Балаларда китап укуга кызыксынуларын арттыру һәм яшь китап сөючеләрнең экологик культурасын формалаштыру максатында 2017 елда китапханәдә «ЭКО Gо» экологик клубы  эшчәнлеген башлап җибәрә. «Тарих сурәтендә буыннар елъязмасы» туган якны өйрәнү программасы буенча максатчан эш алып барыла. 

Китапханә хезмәткәрләре тәрбия һәм белем бирүнең социаль мөһим булган мәсьәләләрен чишү белән кызыксынучы учреждениеләр белән хезмәттәшлек итүнең иң яхшы традицияләрен саклый һәм үстерә. Китапханә 22, 25, 26,13,17 нче мәктәпләр, 38, 74, 67 нче балалар бакчалары, 4 нче экологик-биологик балалар үзәге, «Чишмә» Халыклар мәдәнияте йорты, «Ал җилкән» һәм «Эверест» ишегалды клублары, шәһәрнең Башкарма комитеты белән хезмәттәшлек итә.

Китапханә балалар һәм олылар өчен мәдәни-агарту үзәге буларак эшли. Ә хезмәттәшләр өчен – ул китапханә эшендәге сораулар буенча фәнни-методик үзәк.

Үзәк балалар китапханәсендә укучылары өчен төрле акцияләр һәм бәйгеләр уздырыла: «Балаларга сугыш турында укыйбыз», «Ачык ишекләр көне», «Сугыш турында укыйм», «Тукай дөньясына сәяхәт» һ.б. Шулар арасында иң эре һәм истә кала торган вакыйга – бөтенроссия «Китапханә киче» акциясе. Китапханә һәр елны шәһәр күләмендә укучылар арасында «Шигъри тамчы» исемле нәфис сүз бәйгесе, мәктәпкәчә яшьтәге балалар өчен «Шигъриятнең язгы нурлары» бәйгесе уздыра. Ел саен китапханәдә Балалар китабы атналыгы – китап һәм китап уку бәйрәме уздырыла. Традиция буенча Атналык театральләштерелгән тамаша белән ачыла. Китапханәнең бүлекләрендә кызыклы һәм иң күп укыла торган китаплардан күргәзмәләр оештырыла. Теләге булган һәр кеше төрле уен, бәйге, викториналарда катнаша ала.

Үзәк балалар китапханәсе хезмәткәрләре – бердәм, хезмәт сөючән коллектив, алар һәрвакыт теләсә кайсы мәсьәләне чишәргә әзер, бердәй фикер йөртүче коллектив, эшнең төрле форма һәм ысулларын, китапханәгә яңа китап укучыларны тарту өчен технологик һәм һөнәри мөмкинлекләрен  куллана.

Әгәр уку барышында балагызның бәхетле елмаюын күрәсегез килсә, аның белән бергә балачак дөньясына кире кайтасыгыз килсщ, язучыларның иҗаты белән танышырга теләсәгез – безнең китапханәгә килегез. Бездә һәрчак дустанә атмосфера хөкем сөрә һәм китап укучыларыбыз безнең өчен иң беренче урында тора.

Китапханә шәһәрдәге балаларга китапханә хезмәте күрсәтү буенча координацион методик үзәк функциясен башкара, балаларга һәм яшүсмерләргә хезмәт күрсәтү китапханәчеләргә системалы рәвештә методик һәм консультацион ярдәм күрсәтеп тора. Үзәк шәһәр китапханәсе еш кына яңа башлангычларда әйдәп баручы да. Мәсәлән, берничә ел дәвамында китапханәләрдә җәйге каникуллар чорында балаларның ялын һәм укуын оештыру буенча максатчан эш алып барыла, шуның өчен ул Республика балалар китапханәсенең рәхмәт хаты белән бүләкләнде.

2017 елда Үзәк балалар китапханәсе «Елның балалар китапханәсе» республика бәйгесендә катнашып, 2 нче урынны алды.

2017 ел – Экология елы нәтиҗәләре буенча, Үзәк балалар китапханәсе коллективы Яр Чаллы шәһәре балалар даирәсендә экологик тәрбия бирү өчен Үзәкләштерелгән китапханәләр системасының мактау грамотасы белән бүләкләнде.

domikКИТАПХАНӘНЕҢ СТРУКТУРАСЫ

Абонемент шартлы рәвештә өч зонага бүленә.

Мәктәпкәчә яшьтәге балалар һәм 1-4 нче сыйныф укучылары өчен абонемент:

Бу бүлектә балалар яраткан китапларының геройлары белән очраша, әдәбият, тере табигать, техника, тарих дөньясына  мавыктыргыч сәяхәткә бара. Монда күзаллауны үстерү, дөньяга карашны киңәйтү өчен иң яхшы балалар китаплары һәм вакытлы матбугат басмалары тупланган.

Бүлектә иң кече яшьтәге китап сөючеләр нәни китаплар һәм рәсем-китаплар белән дуслаша ала, иң кызыксынучаннар үз сорауларына җавап таба. Нәниләр яңа балалар китапларын, журнал һәм газеталарны укып, кызыклы рәсемле басмаларны карап кына калмый, шул ук вакытта ял да итә ала: уенчыклар белән уйный, рәсем ясый, дуслары белән аралаша. Укучыларыбыз зур кызыксыну белән төрле чараларда да катнаша.

5-9 нчы сыйныф укучылары өчен абонемент:

Бу бүлеккә 5-9 нчы сыйныф укучылары теркәлә. Монда бик күп төрле нәфис, фәнни-популяр, белешмә, энциклопедик әдәбият, вакытлы матбугат басмалары җыелган. Бүлектә укучылар күзаллауларын киңәйтү белән бергә, дәрескә, рефератка, докладка кирәкле әдәбиятны яисә күңелгә ошаган китапны сайлап ала. Китап күргәзмәләре, яңа кайткан басмалар күргәзмәләре яшүсмерләрне китап һәм журналлар белән таныштыра. Бездә шулай ук төрледән-төрле әдәби чаралар: очрашулар, кичә-портретлар, бәйрәмнәр, танып белү уеннары, викториналар, балаларны иҗади эшләре күргәзмәләре һ.б. лар үткәрелә.

starsh-ab-1 starsh-ab-3 starsh-ab-2

10-11 нчы сыйныф укучылары, студентлар һәм олы яшьтәге китап укучылар абонементы:

Бу бүлектә 10-11 нче сыйныф укучылары, студентлар һәм микрорайонның олы яшьтәге китап укучыларына хезмәт күрсәтелә. Абонемент фондында төрле фән өлкәләре буенча әдәбият тупланган һәм китапларны өйгә бирү каралган. Китапханәчеләр китап сайларга ярдәм итә, реферат, проектлар буенча материал эзләргә булыша, балалар укуы, ял итүне оештыру һәм баланың гармонияле үсеше мәсьәләләре буенча киңәшләре белән уртаклаша.

Уку залы:

Уку залы барлык укучылар өчен дә ачык. Монда журнал һәм газеталар актарырга, сирәк һәм кыйммәтле китапларны укырга, сүзлекләр, белешмәлекләр һәм энциклопедияләр белән эшләргә, кызыклы очрашулар, әдәби кичәләр, викториналарда катнашып, буш вакытны уздырырга,әдәби бәйрәм чараларында, әдәбиятка күзәтү ясауда, язучылар белән очрашуда булырга, эшлекле һәм ситуатив уеннарда, мастер-классларда катнашырга мөмкин.

IMG-20181018-WA0007
DSCN4676
IMG-20180511-WA0010 (1)
IMG_3604
DSCN4494
DSCN0962

Монда кирәкле китапны электрон каталог буенча табарга, электрон энциклопедияләр һәм интернет челтәре ярдәмендә реферат өчен мәгълүмат эзләргә, аудиокитап тыңларга, аң-белемне үстерү уеннары уйнарга мөмкин.

Китап укучы балалар, ата-аналар һәм балалар укуын оештыручылар теләсә кайсы тема буенча мәгълүмати ярдәм ала ала.

Үзәк балалар китапханәсенең җитәкчесе – Недопекина Ольга Ивановна.

ЯҢА ӘДӘБИЯТ