«Онытырга ярамый»: очрашу кичәсе (12+)

Халыкара фашист концлагерьлары әсирләрен азат итү көне алдыннан, 9 апрельдә 13 нче санлы китапханә «Онытырга ярамый дигән очрашу кичәсе» оештырды. Әлеге чара икенче бөтендөнья сугышының иң куркыныч битләре –  концлагерьлар һәм аларның корбаннары турында күзаллау булдырды. 

Чара М.Магомаев башкаруындагы «Бухенвальдский набат» җырының аудиоязмасын тыңлаудан башланды. Чакырылган кунаклар – Латвиядәге Саласпилс концентрацион лагере «Куртенгоф»ның элекке әсирләре В.И.Теленков, В.И.Нестеренко балачак истәлекләре – явызларча җәзалаулар, медицина экспериментлары, фашистларның ерткычлыгы һәм кеше яши алмаслык шартлар турындагы хатирәләре белән уртаклашты.
Китапханәче фашистларның биш «үлем лагере» тарихы белән таныштырды. Мәктәп укучылары шул куркыныч вакыйгаларга багышланган шигырьләр укыды. 
Чара «Чаңлы набат» аудиоязмасы, «Икенче бөтендөнья сугышы концлагерьлары» видеоязмасы, «Балачакны искә төшереп» документаль фильмыннан өзек карау белән үрелеп барды.
Илебездә шул вакыйгалар шаһитлары кими бара, шунлыктан очрашу, аларның үз авызларыннан сугышның дәһшәтле еллары турында сөйләүләре элекке әсирләрнең дә, безнең өчен дә зур әһәмияткә ия. 
«Бу диварлар артында җир сыкрый»… Саласпилс мемориаль комплексына керү урынында урнаштырылган таш плитәдә менә шул сүзләр чокып язылган.