«Файдалы ризыклар иленә сәяхәт» әдәби-танып белү сәгате (6+)

Китапханәдә балалар өчен мавыктыргыч чара — «Файдалы ризыклар иленә сәяхәт» дигән әдәби-танып белү сәгате узды. Программа нигезендә академик М. М. Безруких җитәкчелеге астында Россия белем бирү академиясенең яшь физиологиясе институты белгечләре әзерләгән «Дөрес туклану турында сөйләшү» китабы ятты.

Башта балалар китапханәче белән берлектә дөрес туклану турында сөйләште: ризыкның үсешкә һәм үз-үзеңне ничек хис итүеңә йогынтысы, нинди ризыкларның көч һәм энергия бирүе, ә кайсылары белән бик мавыкмаска икәнлеге турында фикер алышты. Яшь укучылар бик кызыксынып китапларны өйрәнде — матур иллюстрацияләр һәм ризыкларның файдалы һәм файдалы булмаганнарга төгәл бүленеше теманы яхшы аңларга ярдәм итте. 
Алга таба чын маҗара башланды — балалар берничә уен станциясе үтте:
«Яшелчәләр түтәле». Монда балалар яшелчәләр турында табышмаклар чиште, Ю. Тувимның «Овощи» шигыреннән шаян юлларны искә төшерде һәм «Сабагы һәм тамыры» уенын уйнады: анда яшелчәнең исеме буенча аның кайсы өлешен – өскеме яки аскымы өлешен ашавыбызны ачыкларга кирәк булды. 
«Җиләк-җимеш бакчасы». Бу станциядә «Җимешне ата» дигән кечкенә ярыш оештырылды, аннан соң витаминнар турында сөйләштеләр: балалар алмалар, грушалар, бананнар һәм цитруслыларның нинди файда китерүе турында фикерләште.
«Сөт елгасы». Катнашучылар төрле сөт продуктлары һәм алардан әзерләнгән ризыкларны искә төшерде, һәм шулай ук ни өчен рационга сөт, эремчек һәм сырны кертүнең шулкадәр мөһим булуы турында фикер алышты. 
«Бөртеклеләр басуы». «Ярманы таны» уенында балалар карабодайны, дөгене, тарыны һәм манный ярмасын аерырга өйрәнде. Ботканың иртәнге аш өчен бик яхшы вариант һәм чын-чынлап файдалы ризык булуына күпләр гаҗәпләнде. 
«Файдалы — зарарлы» уены балаларның күңеленә хуш килде. Төрле продуктларның рәсемнәре белән карточкалар алып, балалар аларны ике төркемгә – даими ашарга яраклы һәм күп кулланырга ярамаганнарына аерды. «Зарарлы» кәрҗингә чипсы, газлы сулар һәм конфетлар китте, ә «файдалы»га — чикләвекләр, яшелчәләр, җиләк-җимешләр һәм балык. Фикерләр туры килмәсә, китапханәче ярдәмгә килде: бергәләп ризыкларның составы һәм файдасы турында фикер алыштылар, тормыштан мисаллар китерделәр. 
Тематик китап күргәзмәсе чараны тулыландырды: анда дөрес туклану, витаминнар һәм сәламәт тормыш рәвеше турында басмалар тупланган иде — балалар күп кенә китапларны өйләренә алып кайтырга теләк белдерде. 
Шулай итеп балалар ризыклар турында кызыклы фактларны гына белеп калмады, ә аны аңлы рәвештә сайларга өйоәнде. Очрашуның истәлеге итеп һәр катнашучы «Мин ничек дөрес тукланырга икәнен беләм» дигән белешмә кәгазь алды.