«Сугыш чоры уенчыклары» танып белү-патриотлык сәгате (6+)

8
Май 2024
Чәршәмбе

Балалар бакчасына йөрүче нәниләр өчен «Сугыш чоры уенчыклары» дигән танып белү-патриотлык сәгате узды. Балалар әби-бабаларының сугыш чорына туры килгән балачагы, аларның нинди уенчыклар белән уйнавы турында белде. Үткән һәм хәзерге заман арасында аерманы күрделәр. Сугыш вакытында да балаларның уенчыксыз калмавын аңладылар. Блокадалы Ленинградта (һәм башка күп кенә шәһәрләрдә) балалар һава кисәтүе вакытында бомбадан качу урынына үзләре белән еш кына йомшак аюларын ала, аны кочаклап утыра торган була. 

14фф
4.
3.
2.
1.
Катнашучылар өчен сугыш чоры уенчыклары турында презентация күрсәтелде, анда кешеләр үзләре ясаган уенчыклар турында сөйләнде. Мәсәлән, кызлар өчен курчакларны иң гади ысул белән ясый торган булганнар – кечкенә генә утын агачы алалар, аңа йөз ясыйлар, ә кечкенә кыз аның белән уйнаганда бу утын кисәген төрле чүпрәкләргә төрә. Саламнан курчаклар ясаганнар. Ә инде киндердән тегелгән курчак иң зур шатлык булган. Презентацияне карау әби-бабаларыбызның сугыш чоры балачагының бик авыр булуын һәм сугыш балалары өчен уенчыкларның тыныч тормыш символы булуын аңларга ярдәм итте.
Алга таба китапханәче Николай Черкашинның «Кукла» китабына тукталды. Ул балаларга әлеге язучы, Ленинградның аның өчен икенче туган ягына әйләнүе, сугыш блокадасының нәрсә аңлатуы, камалышта калган шәһәр кешеләренең ничек яшәве турында сөйләде. 
Сугыш чоры уенчыгы һәм шул чорның авыр сынаулары турындагы тетрәндергеч чыгыш яшь кунаклар йөрәгендә кайнар хисләр калдырды һәм элекке заманда Бөек Ватан сугышы балалары өчен бердәнбер шатлык булган гади генә чүпрәк курчакка яңача күз салырга мәҗбүр итте. 

If you have found a spelling error, please, notify us by selecting that text and pressing Ctrl+Enter.

Поделиться: