«Сәнгать белән әңгәмәләр. Автокаланың рәссам-укытучылары белән очрашулар»: АРТ-проект (6+)

Шәһәр үзәк китапханәсенең сәнгать бүлегендә Укытучы һәм остаз елына багышланган «Сәнгать белән әңгәмәләр. Автокаланың рәссам-укытучылары белән очрашулар» АРТ-проекты старт алды. 

Ул үз эченә өйрәтүче мастер-классларны, иҗади очрашуларны, балалар һәм яшьләр өчен гамәли һәм лекция дәресләрен оештыру һәм үткәрүне кертә. Шулай ук ул рәсем сәнгате чаралары ярдәмендә тарихи хәтер һәм мәдәни мирасны саклауга, үсеп килүче буынны патриотик һәм рухи-әхлакый тәрбияләүгә юнәлдерелгән бер төркем мәдәни-агарту чараларыннан тора.   
Беренче очрашу 6 апрель көнне Халыкара укытучы-рәссамнар берлеге әгъзалары, 1 нче Балалар сәнгать мәктәбе укытучылары Надежда Кириллова һәм Лия Вечтомовалар белән булды. Алар үзләренең Кече картиналар галереясында баручы күргәзмәсен Татарстан Республикасында Милли мәдәниятләр һәм гореф-гадәтләр елына багышлады. 
Надежда Михайловна һәм Лия Альбердовна балаларны декоратив-гамәли сәнгать белән таныштырды, йоннан ничек картиналар ясарга, балчыктан скульптур композицияләр әвәләргә, туку белән шөгыльләнергә мөмкин булуын күрсәтте. Катнашучылар зур кызыксыну белән тукып, төсләр буенча йоннарны тезеп карады. 

Сезне дә проектта катнашырга чакырабыз. Безнең хәбәрләрне күзәтеп барыгыз.