2019 – РОССИЯДӘ ТЕАТР ЕЛЫ

Халыкка дәрсе гыйбрәттер театр,
Күңелдә йоклаган дәртне уятыр.

Театр — яктылыкка, нурга илтә,
Кире юлга җибәрми, уңга илтә.

Театр көлдерәдер, уйнатадыр,
Тагы үткән гомерне уйлатадыр.

Күрерсең анда үз хәлең, көләрсең
Көләрлек булса, булмаса – еларсың.

Күрерсең тормышың нинди: җитешме?
Җитеш булмаса, кай җире җитешми?

Төзәтерсең шуны, тәкмил итәрсең, –
Шулай шактый белем тәхсил итәрсең.

Үсәр яхшылыгың, син яхшы булсаң;
Җылы канлы итәр ул, вәхши булсаң.

Тигез күрә бөтен җанны театр:
Кирәк кол бул, кирәксә император.

Мөкаддәс ул, бөек ул, гали зат ул;
Тәмам хөр ул, вә бик киң ул, азат ул.

Вә ул дарел-голүм, дарел-әдәптер,
Холыкларны төзәтмәккә сәбәптер.

Вәләкин шарты бар: яхшы төзелсә,
Әгәр һиммәт агачыннан өзелсә,

Ул – алма, мөддәте тулганда пешкәч,
Кызаргач һәм матур булгач, җитешкәч.

Габдулла Тукай «Театр»

Президент Владимир Путин Указы  нигезендә, Россия Федерациясендә 2019 ел Театр елы дип игълан ителде.

Аның төп бурычлары илебезнең иң яхшы театр традицияләрен һәм казанышларын саклап калу һәм популярлаштыру; төрле шәһәрләрдә яшәүчеләр өчен театр сәнгатенең иң яхшы үрнәкләрен күрсәтү, театр эшен оештыруны үстерү һәм театр белеменә караган мәсьәләләргә игътибарны юнәлтү белән бәйле. Театр елына багышланган чаралар бөтен Россияне биләп алачак.

Ел кысаларында зур күләмле халыкара һәм россиякүләм чаралар планлаштырылган. 2019 елның мартыннан ноябренә кадәр Гомумроссия театр марафоны узачак. Ул Владивостокта башланып, илебезне колачлап алачак һәм Калининградта тәмамланачак. Июнь аеннан ноябрьгә чаклы Санкт-Петербург шәһәрендә Театр олимпиадасы  узачак.

2019 елда 25 нче «Алтын битлек» фестивале, Чехов исемендәге XIV Халыкара театр фестивале, Когалым шәһәрендә Кече театр сәхнәсен ачу, «Зур гастрольләр» программасы кысаларында гастроль проектлары, губерна театрларының Җәйге фестивале, Россиянең кече шәһәрләре театрлары фестивале,  Россиянең һәвәскәр театрлары фестиваль-бәйгесе кебек чаралар уздыру планлаштырыла.  Шулай ук программада – Россия Театр әһелләре берлеге чаралары, «Россиянең Театр энциклопедиясе»н нәшер итү, тематик форумнар, очрашулар, мастер-класслар,  әйдәп баручы актерлар, режиссерлар һәм театр белгечләре белән семинарлар; уникаль театр профессияләрен саклап калу мәсьәләләренә һәм башка актуаль темаларга багышланган түгәрәк өстәлләр; заманча драматургия һәм яшь режиссурага таяныч булу максатыннан уздырылучы бәйгеләр.

Россиядә Театр елы программасын уздыруны оештыру комитетын РФ Хөкүмәте Рәисе Ольга Голодец җитәкли. Оештыру комитеты составына федераль һәм региональ башкарма хакимият органнары, «РФ Театр әһелләре берлеге» гомумроссия иҗтимагый оешмасы вәкилләре, Россиянең зур театрлары җитәкчеләре кергән. 13 декабрь – барлык регионнарда бердәм рәвештә Театр елын ачу көне.

Театр елы чараларын оештыручылар һәм катнашучылар өчен мәгълүматлар Театр елының рәсми сайтында басыла – годтеатра2019.рф

ЧАЛЛЫ ШӘҺӘРЕНДӘ ТЕАТРЛАР

Слайд1
Слайд2
Слайд5
Слайд4
Слайд3
Слайд13
Слайд12
Слайд11
Слайд10
Слайд9
Слайд8
Слайд7
Слайд6
Слайд21
Слайд20
Слайд19
Слайд18
Слайд17
Слайд16
Слайд15
Слайд14
Слайд29
Слайд28
Слайд27
Слайд26
Слайд25
Слайд24
Слайд23
Слайд22

МАСТЕРОВЫЕ

ТАТАР ДРАМА ТЕАТРЫ

КУРЧАК ТЕАТРЫ

PARADOX АВТОР ТЕАТРЫ

КЛЮЧ ЯШЬЛӘР ТЕАТРЫ

LIBERTA ТЕАТР-СТУДИЯСЕ

ОНЛАЙН-ТЕСТ: ТЕАТР ТУРЫНДА НИЛӘР БЕЛӘСЕҢ? ҮЗЕҢНЕ ТИКШЕР!

ТЕАТР ЕЛЫ КЫСАЛАРЫНДА ҮТКӘРЕЛҮЧЕ ЧАРАЛАР