16 нчы санлы китапханә (Яңа шәһәр, 43/06 йорты)

«ҮКС» МБУнең 16 нчы санлы китапханәсе НИГЕЗЛӘМӘСЕ

Адресы:

Яр Чаллы шәһәре, Сөембикә пр., 37 нче йорт, 169, 170 нче фатирлар (Яңа шәһәр, 43/06)

(«Үзәк» тукталышы)

Эш тәртибе:

Дүшәмбе-шимбә – 9.00 сәгатьтән 18.00 сәгатькә кадәр.

Ял көне – якшәмбе.

Июнь-август айларында китапханә җәйге расписание буенча эшли:

Дүшәмбе-җомга – 9.00 сәгатьтән 17.00 сәгатькә кадәр.

Ял көне – шимбә, якшәмбе.

Санитар көн – һәр айның соңгы пәнҗешәмбесе.

Тел.: (8552) 52-86-00
Е-mail: CBS_filial16@mail.ru

 

Читайте нас в
DSCN1264
DSCN0117
DSCN1267
DSCN1269
DSCN1800

16 нчы санлы китапханә 1982 елда ачыла. Ул Яңа шәһәрнең 12, 13, 14, 40, 41, 42, 43 мәхәлләләрендә яшәүче балаларга хезмәт күрсәтә. Китапханә фондын 30 меңнән артык китап тәшкил итә. Китапханә ел саен 60 исемдәге балалар һәм яшүсмерләр өчен чыгып килүче вакытлы матбугатка языла.

Балаларны китап укуга тарту, дөнья һәм илебезнең әдәби мирасы белән таныштыру бездә автор проектлары һәм программалары буенча тормышка ашырыла:

«Белем баскычлары буйлап» программасы – «Мәктәпкәчә яшьтәге бала китапханәдә» республика бәйгесе лауреаты.

«Россия – ул без!», «Татарстан – безнең уртак йортыбыз» – бу программалар сайлаучыларның гражданлык-хокукый культурасын үстерү буенча республика бәйгесендә билгеләп үтелде.

«Укыгыз: укырга вакыт!» проекты «Давыдовский» Мәскәү халыкара театр фестиваленең «Ел ачышы»  номинациясендә һәм традицион эш формалары, кулланучылар белән массакүләм, индивидуаль эш методларында яңача иҗади якын килү элементларын куллану буенча «Иҗади эзләнү» республика конкурсында лауреат булды.

«Сәламәтлеккә китап аша!» – яңа проект, темасы һәрвакыт актуаль, ул сәламәтлек саклау технологияләрен кулланып, яңа комплекслы һәм интерактив эш формаларын эзләү, рус һәм татар язучыларының нәфис әсәрләре нигезендә балаларда һәм яшүсмерләрдә сәламәтлек культурасы турында төшенчәне киңәйтү һәм тирәнәйтү буенча эшли. Китапханәдә алдынгы тәҗрибә кертү өчен тәкъдим ителгән.

«Тылсымлы сәнгать дөньясы» – яңа программаның төп максаты: укучыларны сәнгать әсәрләрендә чагылдырылучы дөньяви һәм милли рухи кыйммәтләргә тарту.

«Табигатькә дус бул» – программаның төп юнәлеше – кулланучыларның әйләнә-тирә мохиткә карата экологик аңын, фикер йөртүен һәм әхлакый мөнәсәбәтен формалаштыру.

«Китап һәм укучы: кара-каршы!» – урта яшьтәге мәктәп балалары өчен программа. Максаты – яшүсмерләрне сыйфатлы, аңлап укуга тарту, заманча чит ил һәм илебез әдәбиятына кызыксынуларын формалаштыру.

«Ярый. Ярамый. Кирәк!»– программа яшүсмерләрнең хокукый аңын һәм хокукый культурасын формалаштыра.

Китапханәдә ике клуб эшли: «Бала һәм китап» һәм «Садко»

2015 елның 28 апрелендә яшүсмерләр өчен «Безнең вакыт» патриотик, гражданлык-хокуклары буенча мәгълүмат үзәген ачу тантанасы булды.

Китапханәнең бүләкләре:

2012 ел – танылган язучы Ирина Агапованың «Серебряный котел дури» пьесасы буенча уздырылган чара өчен «Давыдовский» II Мәскәү халыкара театр фестиваленең «Ел ачышы» номинациясендә диплом белән бүләкләнде.

2013 ел – муниципаль мәдәният һәм сәнгать учреждениеләренең иҗади коллективлары проектына теләктәшлек йөзеннән Татарстан Республикасы Хөкүмәте грантына лаек булды.

2013 ел – хәзерге заман язучыларының иң яхшы әсәрләрен алга җибәрү буенча «Укыгыз: укырга вакыт» проекты өчен «Иҗади эзләнү» иҗади бәйгесе лауреатының ТР Мәдәният министрлыгы дипломы белән бүләкләнде.

2015 ел – «Мин укыйм, син укыйсың, бөтен Чаллым укый!» акциясе өчен китап укуга тарту буенча иң яхшы китапханә акциясенә Республика бәйгесендә 1 нче урын яулаган өчен диплом белән бүләкләнде.

Китапханәнең программалар, проектлар һәм башка эшләре 46 нчы мәктәп, 78 нче Пушкин исемендәге лицей, 76 нчы гимназия,  «Подросток» балалар һәм яшүсмерләр берләшмәсе, Үзәк районның башкарма комитеты каршындагы «Вега» һәм «Твоя позиция» шәһәр клублары белән тыгыз хезмәттәшлек аша башкарыла.

Китапханә җитәкчесе: Степанова Светлана Михайловна.