14 нче санлы китапханә (Яңа шәһәр, 49/16 йорты)
«ҮКС» МБУнең 14 нче санлы китапханәсе НИГЕЗЛӘМӘСЕ Адресы: Яр Чаллы шәһәре, Сөембикә пр., 87 нче йорт (Яңа шәһәр, 49/16 йорты) («Домостроителей» тукталышы) Эш тәртибе: Дүшәмбе-шимбә – 9.00 сәгатьтән 17.00 сәгатькә кадәр. Ял көне – якшәмбе. Июнь-август айларында китапханә җәйге расписание буенча эшли: Дүшәмбе-җомга – 9.00 сәгатьтән 17.00 сәгатькә кадәр. Ял көне – шимбә, якшәмбе. Санитар көн – һәр айның соңгы пәнҗешәмбесе. Тел.:(8552) 56-28-25
1980 елда Яңа шәһәрнең 48/03 йортында яңа балалар китапханәсе ачыла. Ул 120 һәм 121 нче фатирларда урнаша. Китапханәдә, нигездә, башка филиаллардан җыелган иске китаплар булуына карамастан, микрорайон кешеләре әлеге вакыйгага бик шат була. Аларның өметләре аклана. Тиздән китапханә китап уку, вакытлы матбугат белән танышу урыны гына түгел, ә чып-чынлап мәдәни-агарту үзәгенә әйләнә. Анда язучылар, шәһәребезнең танылган шәхесләре, белән очрашулар, актуаль темаларны яктырткан күптөрле чаралар уза. Төрле елларда китапханәбездә кунакта язучылар Н.Мадъяров, З.Гомәрова, М.Газизов, М.Сафин, С. Шәвәлиева, Р.Бәшәр, Бөек Ватан сугышы ветераннары, хезмәт ветераннары, атказанган мәдәният хезмәткәрләре була. 2002 елда китапханә 49/16 адресы буенча башка бинага күченә. 20 март көнне китапханәне ачу тантанасында язучы-туган якны өйрәнүче М.Сафин, ТР атказанган мәдәният хезмәткәре Д.М.Галләмова катнаша. Китапханә 32, 34, 43, 87 нче мәктәпләр, балалар сәнгать мәктәбе, 10, 12, 73 нче балалар бакчалары белән хезмәттәшлек итә. Фондта 21 484 данә китап исәпләнә. Китапханәдә 2 клуб эшли: мәктәпкәчә яшьтәге балалар һәм әти-әниләре өчен «Книжана һәм аның дуслары» клубы, башлангыч сыйныф укучылары өчен «Оранжевый квадрат» иҗади-танып белү клубы. Нәфис әдәбиятны пропагандалау, классик язучыларның әсәрләрен һәм фольклорны өйрәнү, хәзерге заман язучыларының яңа әсәрләре белән таныштыру өчен китапханәдә тематик кичәләр, иртәләр, укучылар конференцияләре, электрон презентацияләр тәкъдим ителә. Филиал микрорайонның инвалидлары һәм инвалид балалары белән озак еллар буе нәтиҗәле эш алып барганы өчен мактау грамоталары, микрорайонда китапханә хезмәте күрсәтү эшен иң яхшы итеп оештырганы өчен Үзәкләштерелгән китапханәләр системасының дипломнары, балаларны һәм яшүсмерләрне рухи-әхлакый, патриотик яктан тәрбияләү буенча нәтиҗәле эше өчен ТР Хәрби комиссариатының Рәхмәт хаты белән бүләкләнде. Китапханәнең җитәкчесе: Третьякова Елена Владимировна. Үткәрелгән чаралар «Бар заманнар һәм халыклар мөгаллиме: Януш Корчак» (12+) Халыкара Җир көне – чиста су, җир һәм һава бәйрәме (0+) «Илдар Юзеевның төрле төсле шигърияте илендә» (12+) «Шәмнәр сүнмәсен»: хәтер сәгате (12+) «Табиб Айболит мәктәбе»: танып белү-уен программасы (0+) «Мин сәламәт булырга телим – мине дә өйрәтсеннәр»: танып белү-сәламәтләндерү программасы (0+) «Үзеңне сакла – микроблар турында барысын да бел!»: танып белү сәгате (6+) Габдулла Тукай иҗаты буенча әдәби кичә (12+) «Кешеләргә шатлык өләшәбез»: җырлар авторы, шагыйрь Юрий Энтин белән танышу (0+) «Планета буйлап китап атлый» (0+) «Нәүрүз – ямьле яз бәйрәме» (0+) «Бу сәер әкиятче безнең арада яшәде…»: әдәби сәгать (12+) «Шигырьләрдән – салават күпере»: хәтер кичәсе (12+) Нәҗип Мадьяровның гаҗәеп шигырьләре илендә (12+) Ихтыяр көче сыгылмас кеше (12+) «Мартта күркәм бер көн бар!»: бәйрәм-уен сәгате (6+) «Баюн варислары»: танып белү-уен программасы (6+) «Илдар Юзеевның төрле төсле шигърияте илендә» (12+) «Вася Куролесов белән гадәти булмаган маҗаралар»: әдәби сәгать (6+) |