Китапханә укучыларын кикбоксинг белән шаккатырды… (12+)

24 октябрь көнне шәһәр Үзәк китапханәсендә «Сәламәтлек территориясе» фестивале «Сәламәт буласың килсә – китапханәгә кил!» шигаре астында узды. Китапханә үзенең укучыларын кикбоксинг, йога, биюләр, скандинавия йөреше һ.б.лар белән шаккатырды.

IMG_6178
IMG_6182
IMG_6192
IMG_6194
IMG_6196
IMG_6198
IMG_6200
IMG_6213
IMG_6217
IMG_6216
IMG_6243
IMG_6246

Фестиваль кунаклары шәһәребезнең медицина, психология һәм спорт өлкәләренә караган әйдәп баручы белгечләр белән таныша алды. Фестиваль кунакларының берсе, ТР атказанган табибы, балалар табибы, «Танар» гаилә хастаханәсе баш табиб урынбасары А.Н. Зотов уңышлы һәм сәламәт тормыш серләре белән уртаклашты.

Китап күргәзмәләре, Сәламәт яшәү рәвеше турындагы әдәбияттан ясалган инсталляция, мастер-класслар һәм тагын бик күп кызыклы чараларны күрергә мөмкин булды бу көнне фестиваль кунакларына.

IMG_6206
IMG_6208
IMG_6210
IMG_6219
IMG_6214
IMG_6221
IMG_6239
IMG_6255
IMG_6227
IMG_6233
IMG_6248
IMG_6249
IMG_6251

Төрле яшьтәге укучыларның һәрберсе күңеленә хуш килгән мастер-классны таба алды. Халыкара класслы косметолог З.М.Гобәйдуллина яшьләрне бит һәм тән тиресен дөрес итеп тәрбияләргә өйрәтте. Актив тормыш рәвеше алып баручылар һәм спорт сөючеләр Татарстанның кикбоксинг буенча өч тапкыр чемпионы Д.С.Лаптев, йога-кундалини укытучысы Л.С.Сабирова һәм бию мәктәбе укытучысы А.А.Хәйруллина мәйданчыкларында булды. Өлкән буын кешеләре скандинавия йөреше буенча халыкара дәрәҗәдәге инструктор Г.А.Козырева мастер-классы белән кызыксынды. Психолог Р.М.Сөбханголова һәм психотехнолог А.С.Җәләлетдинов барлык кунакларга үзләренең яшерен мөмкинлекләрен һәм сәләтләрен ачыкларга ярдәм итте. Табышмаклар һәм башваткычлар яратучы укучыларыбыз исә «Шерлок» сериалы мотивлары буенча мавыктыргыч квестта сәламәтлек формуласын эзләде.