12 нче китапханә хәйрия акциясе үткәрде (18+)

2 октябрьдә 12 нче татар китапханәсе, Халыкара өлкәннәр көне уңаеннан, өлкән яшьтәге китап укучылар өчен игелеклелек акциясе үткәрде.

Чарага китапханәгә даими йөрүче өлкән яшьтәге китап укучылар чакырылды. Унике гаиләгә «Шәһри Чаллы» газетасына язылу бүләк ителде. Әлеге чара Мәскәү татарлары штабы җитәкчесе Рөстәм Ямалеев ярдәме белән оештырылды. Өлкәннәр сөенеп, канәгать булып таралышты.