«Сәхнә» журналы – легендар бренд»: вакытлы матбугат басмаларына күзәтү (12+)
19
Гыйнвар 2023
Пәнҗешәмбе
Хәзерге заманда төрле кызыксынулар һәм төрле яшьтәге укучылар өчен бик күп төрле журнал һәм газеталар басылып чыга. 19 гыйнвар көнне 12 нче санлы китапханә хезмәткәрләре тарафыннан өлкән сыйныф укучылары өчен «Сәхнә» журналы – легендар бренд» исеме астында вакытлы матбугат басмаларына күзәтү уздырылды. Презентацияләр ярдәмендә укучылар «Сәхнә» журналының барлыкка килүе һәм үсеше тарихы, аның сәхифәләре белән танышты. Күзәтү барышында журналдан кызыклы мәкаләләр тәкъдим ителде. Чара азагында китапханәче китапханәдә нинди вакытлы матбугат басмалары табарга мөмкин булуы, аларның файдасы, ни өчен кешеләрнең журнал битләре геройларын яратуы, аларга ихтыяҗ булуы турында сөйләде.
|