«Сандугачтай моңлы Тукай теле»: шигърият сәгате (0+)

«Сандугачтай моңлы Тукай теле» дигән шигърият сәгате 8 нче санлы китапханәнең «Букчадагы китаплар: балалар өчен иң яхшы әдәби уку» әдәби проекты кысаларында оештырылды.   

IMG_3325

IMG_3308

IMG_3328

IMG_3323

Очрашу башында китапханәче балаларны бөек татар шагыйре Г.Тукайның тормыш юлы һәм иҗаты белән таныштырды. Кечкенә Апушның ачы язмышлы балачагы яшь шигърият сөючеләрнең күңелләрен тетрәндерде. Аның «Су анасы» һәм «Шүрәле» әсәрләрен кычкырып уку балаларны туган як табигатенең матурлыгын күрә һәм саклый белергә, кылган гамәлләре өчен җавап бирергә, тапкырлык һәм белемлелеккә куанырга өйрәтүче әкиятләрнең тылсымлы хыял дөньясына алып кереп китте. 
Яшь китап сөючеләр бик теләп «Без укыйбыз, без барысын да беләбез!» викторинасы сорауларына җавап бирде. Шигырь укучылар бәйгесендә балалар башкаруында «Иртә», «Кызыклы шәкерт», «Шаян песи» һ.б. әсәрләр яңгырады. Чара Г.Тукайның «Эш беткәч, уйнарга ярый» шигыре мотивлары буенча «Татармультфильм» студиясе тарафыннан рус телендә төшерелгән мультфильмны карау белән дәвам итте. Очрашу азагында барысы бергә татар халкының гимнына әйләнгән «Туган тел» җырын җырладылар.