«Язмышым каласы»: Чаллыга багышлана…»: тарихи-туган якны өйрәнү экскурсиясе (12+)

23 ноябрь көнне 16 нчы санлы китапханә җиденче сыйныф укучылары өчен «Язмышым каласы»: Чаллыга багышлана…» дигән тарихи-туган якны өйрәнү экскурсиясе уздырды. Россиянең һәр шәһәре үзенчә уникаль, һәрберсенең үз йөзе һәм колориты. 

Безнең шәһәребез тарихы туган якка карата мәхәббәт һәм патриотлык тәрбияләү буенча үз гореф-гадәтләре белән бай. «Мин яшәгән кала…» дигән электрон презентация слайдлары буенча сәяхәт итеп, балалар шәһәрнең матур һәм мәдәни урыннары буенча виртуаль экскурсия кылды, символика, халыкның гореф-гадәтләре һәм мәдәнияте белән танышты. Яшь сәяхәтчеләр туган каланың тарихи үткәне турында кызыклы белешмәләр алды, шундый гадәти булмаган исемнең каян килеп чыгуы һәм кем уйлап табуы, кемнең һәм кайчан нигез салуы, Бережные Челны авылының алга таба үсешенә нәрсә этәргеч булуы турында белде.

Әлеге сорауларга җавап табарга яшьләргә «Кама буендагы яңа шәһәр», «Чаллы тарихы» кыска метражлы документаль фильмнар ярдәм итте. Алар шулай ук туган шәһәрләрендә 230 дан артык проспект, бульвар, урам һәм тыкрык булуы турында белде, күренекле галимнәр, язучылар, композиторлар исемнәре мәңгеләштерелгән урам атамалары белән танышты. 

Чара азагында «Минем туган ягым: бүгенгесе, үткәне, киләчәге» викторинасы уздырылды, ул туган як тарихы буенча алган белемнәрне ныгытырга ярдәм итте. Чара яшүсмерләрдә тарихка карата тере кызыксыну тудырырга мөмкинлек бирде, туган һәм яши торган урыннарыңа тирән ихтирам һәм мәхәббәт хисе белән сугарылырга булышты.