«Табигать – ул Син, табигать – ул мин»: экологик уен (6+)

Үзәк балалар китапханәсендә экологик атна үтте. Мәктәп яны лагере һәм «Мин үзем» талантлар үстерү үзәге балалары «Табигать – ул Син, табигать – ул мин» дигән экологик уенга килде.  

Чара ике команда ярышы рәвешендә узды. Уен кагыйдәләре белән танышып, балалар чиратлап сорауларның координаталарын атады, тере һәм тере булмаган табигать, экология һәм үсемлекләр дөньясы өлкәсендә үз җавапларын бирде. «Тошка» балалар журналыннан сораулар һәм кош, хайван исемнәре белән ребусларны чишү буенча биремнәр аеруча зур кызыксыну уятты. «Кикиморадан сорау» сәхифәсе уенчылар өчен сюрприз булды, анда сазлыкта яшәүче җәнлек үз соравын бирде. Балалар аңа бик теләп безнең урманнарда үсүче гадәти булмаган һәм агулы үсемлекләр һәм, сазлыкка килеп эләккән очракта, нишләргә кирәклеге турында сөйләде.