Гүзәл матрешка балаларда кунакта (0+)

8 апрель көнне шәһәр үзәк китапханәсенең балалар белән массакүләм эш бүлегендә «Матрёшечка-матрёшка» дигән матур фольклор бәйрәме үтте. Нәниләргә кунакка үзенчәлекле халык уенчыгы – түгәрәк йөзле һәм алсу битле матрешка килде. 

Балалар борынгы балалар уенчыгы турында күп кенә кызыклы мәгълүматлар белде. Әлеге курчакның бөтен сере шунда: аның эченә тулы бер гаилә сыя.
Бәйрәмдә шигырьләр һәм «Ой ты, барышня матрёшка», «Матрёшечки», «Крошки-матрёшки» җырлары яңгырады. Барысы бергә рус такмаклары, матрешкалар турында санамышлар һәм  үчекләүләрне искә төшерде. 
Бәйрәм азагында барысы да үзләре өчен гаҗәеп уенчыклар ясады һәм матур чәчәкләр белән аның киемен бизәде.