Нияз Акмалны искә алу кичәсе (16+)

30 октябрь көнне шәһәр Үзәк китапханәсендә шагыйрь Нияз Акмал истәлегенә багышланган әдәби-музыкаль кичә узды. Зал тутырып шагыйрьнең туганнары – апасы Энҗе, бертуганнары Нәсим һәм Нәҗип Акмаллар, дуслары, Сарман районыннан килгән якташлары, язучылар һәм аның иҗатын сөюче тамашачы җыелды. Н. Хәмәтшин, А.Тимербаев, Г. Хәйруллина, И. Зариповалар шагыйрьнең шигырьләренә язылган җырларны башкарып, кичәне тагын да ямьләндерде.

Казаннан килгән хөрмәтле кунаклар Рафис Корбан, Ләбиб Лерон һәм Марат Закировлар каләмдәшләренә карата җылы ихтирам сүзләрен җиткерде. Алар шагыйрь белән бәйле кызыклы вакыйгалар белән уртаклашты.

Шигырь һәм җыр иҗаты – аерылгысыз, тамашачыларның көчле һәм җылы алкышлары шуңа дәлил.