«Ак торналар бәйрәме» шигъри һәм патриотик танышу сәгате (12+)

21 октябрьдә 23 нче санлы китапханәдә укучылар өчен «Ак торналар бәйрәме» дигән шигъри һәм патриотик танышу сәгате узды.
Ак торналар көне — ул югары рух, шигърият һәм сугыш кырларыннан кире әйләнеп кайтмаганнарның якты истәлегенә багышланган көн. 22 октябрь күренекле дагыстан шагыйре Рәсүл Гамзатов башлангычы белән сайлана. 
Китапханәче балаларны бәйрәмнең тарихы һәм халык шагыйренең иҗаты белән таныштырды. Катнашучылар ни өчен нәкъ менә ак торна бу көннең символы итеп алынуын белде.
Хиросиманы атом бомбасына тоту нәтиҗәләре корбаннарының берсе япон кызы Садако Сасаки турында сөйләү чараның төп мизгелләре булды. Әлеге фаҗигале вакыйга балаларны аеруча тетрәндерде. 

Чара вакытында укучылар Россия территориясендә узган барлык сугышларны һәм бөек бәрелешләрне искә төшерде. Сугыш турында шигырьләр, сугыш чоры җырлары яңгырады, тарихи елъязма күрсәтелде.
«Безнең хәтер торналары» китап күргәзмәсе чараның әһәмиятле өлеше булды. Анда шигъри җыентыклар (Р. Гамзатов, А. Твардовский, К. Симонов), Бөек Ватан сугышы турында әсәрләр (Б. Васильевның «А зори здесь тихие…», А. Твардовскийның «Василий Тёркин» һ.б.), хәрби башлыкларның мемуарлары тәкъдим ителде.
Чара азагында катнашучылар һәлак булганнарны бер минутлык тынлык белән искә алды. Очрашу атмосферасы бик дулкынландыргыч һәм уйландыргыч булды. Укучылар мондый чараларның ата-бабалар батырлыгын онытмаска һәм тынычлыкның кадерен белергә ярдәм итүен билгеләп үтте.