«Рәхим итегез!» китапханә көне: китапханә җәлеп иткеч үзәккә әйләнгән көн (0+)

23
Сентябрь 2026
Чәршәмбе

23 сентябрьдә Шәһәр үзәк китапханәсендә Чаллы шәһәренең 400 еллыгына багышланган «Рәхим итегез!» дигән исем астында китапханә көне узды. Кунакларны бай программа көтте: театральләштерелгән экскурсияләр, әкияти сәяхәтләр, мәгълүмат сәгатьләре, музыкаль очрашулар һәм сәнгать күргәзмәсен ачу тантанасы. Керү ирекле булды, һәм бу һәркемгә күңеленә хуш килгән шөгыль табарга мөмкинлек бирде. 

лкмбиблио
дюобиблио
нкобиблио
среди стелажей
Китапханә ишекләре кунакчыл рәвештә иң нәни укучыларын каршы алды. Шаян Белмәмеш һәм зирәк Беләмән белән бергә беренче сыйныфлылар «Китап каласына сәяхәт»кә юл тотты: уку залы һәм абонементта булдылар, китапларны куллану кагыйдәләрен белделәр һәм кирәкле әсәрләрне тиз табарга өйрәнделәр. 
Экскурсия «Китап укучыга багышлау»дан башланды. Балалар «Алфавит юлы», «Тыныч диңгез култыгы» һәм «Китап лабиринты дигән станцияләрне үтте». Дөрес җаваплар өчен алар жетон-Куяннар алды. Бәйрәм бергәләп фотога төшү һәм китапханәгә язылырга чакыру белән тәмамланды.  
Кече яшьтәге мәктәп укучылары Л. Кэрролның «Алиса могҗизалар илендә» әкияте мотивы буенча сәяхәткә юл тотты. Балалар Кызыл һәм Ак патшабикәләр, Алиса, Куян, тылсымлы экран һәм эш буенча чарага килеп чыккан хат ташучы Печкин белән танышты. Тамаша балаларны Җир үзәге аша сәяхәткә алып кереп китте. Сәфәр вакытында арымас өчен, укучыларны Тыныч океанның кояшлы су буенда мавыктыргыч физкультминуты, халыклар бердәмлеге турында кызыклы викторина, күңелле көйләргә биюләр һәм мультфильм карау көтте. Чара азагында балалар китапханә фондындагы яңа китаплар белән танышты. Укучылар вакытларын файдалы итеп үткәрде, яхшы кәеф, күңел күтәренкелеге һәм бик күп матур хис-кичерешләр алды. 
Шигърият сөючеләргә шәһәрнең 400 еллыгына багышланган «Чаллы сулышы» шигырьләр җыентыгын тәкъдим иттеләр. «Китап алсаң кулыңа, нур сибелер юлыңа» мәгълүмат сәгате вакытында яшь укучылар китапханә тарихы белән танышты, аның төп үсеш этаплары һәм аны торгызуга үзеннән зур өлеш керткән кешеләр турында мәгълүмат алды.
«Ветеран» клубында бу сезонда беренче очрашу — «Бервакыт сентябрьдә» дигән көзге утырмалар узды. Һидая Габдрахманова, Людмила Ткачук һәм Галина Зубаревалар башкаруында көз һәм табигать, туган як һәм туган авыл турында җырлар яңгырады. Ветераннар артистлар белән бергә җырлар җырлады һәм такмаклар әйтте. Китапханә көне Эльвира Бәзгетдинованың «Илһам юллары» дигән сәнгать күргәзмәсен ачу белән тәмамланды.
Китапханәчеләр заманча сервислар һәм электрон чыганакларны — электрон каталог, мәгълүматлар базасы, цифрлы коллекцияләр һәм ерактан керү мөмкинлекләрен күрсәтте.  Китапханә кунаклары сирәк басмалар, туган якны өйрәнү һәм яңа китаплар белән тематик күргәзмәләрне карады, ә аннан соң китапханә тарихы, мәгълүмат грамоталылыгы һәм әдәби сюжетлар буенча интерактив викторинада катнашты. Чара азагында һәр бала үз кызыксынуларын һәм яшьләрен исәпкә алып сайланган китаплар буенча шәхси тәкъдимнәр, һәм шулай ук үзлектән әдәбият эзләү буенча киңәшләр алды.  
Китапханә көне заманча китапханәнең китаплар гына түгел, ә очрашулар, иҗат, ачсышлар һәм уңай хисләр алу өчен киңлек икәнен күрсәтте. Монда һәркем — беренче сыйныфлылардан ветераннарга кадәр — үзе өчен нинди дә булса мөһим нәрсә таба алды. 

If you have found a spelling error, please, notify us by selecting that text and pressing Ctrl+Enter.

Поделиться: