«Россия халыклары әкиятләре» кычкырып укулар (6+)

8 сентябрьдә Россиядә беренче тапкыр мөһим дәүләт бәйрәме – Россия Федерациясе халыклары телләре көне билгеләп үтелә. Әлеге бәйрәм Ватаныбызның күпмилләтле мәдәнияте байлыгын саклауга чакыра. 13 нче санлы китапханә Республика балалар китапханәсе оештырган «Әкияти көн» республика акциясенә кушылды. 

Китапханәче чарада катнашучыларга илебез халыкларының әкиятләре күп яктан бер-берсенә охшаш булуы турында сөйләде: алар яхшылыкны явызлыктан аерырга, гадел, кыю булырга һәм бәлагә юлыкканнарга ярдәм итәргә өйрәтә. Китапханәче рус телендә «Нәрсә кадерлерәк?» дигән осетин халык әкиятен укыды. Уку вакытында китапханәче тукталып сораулар бирде — шул рәвешле балалар тыңлап кына калмады, ә әлеге сюжетның катнашучылары да булды. «Дуслык ничек сынала» лезгин халык әкиятендә дә охшаш сюжет. Китапханәче 2 әкият мисалында ничек төрле халыкларның үз сүзләре белән бер үк нәрсә турында сөйли алуларын күрсәтте.