«Халык фидакарьлеге, солдат батырлыгы турында» патриотик уены (6+)

22 июньдә Үзәк балалар модель китапханәсендә Бөек Ватан сугышы башлану турында искә төшерүче буларак безнең йөрәкләрдә мәңгегә калачак Хәтер һәм кайгы көненә һәм Татарстан Республикасында хәрби һәм хезмәт фидакарьлеге елына багышланган «Халык фидакарьлеге, солдат батырлыгы турында» дигән патриотик уен узды. 
Балалар сугышның беренче, иң авыр сәгатьләре, совет солдатларының кабатланмас геройлыгы һәм тылда җиңүгә өлеш керткәннәрнең намуслы хезмәте турында белде. Аннан соң, ике командага бүленеп, балалар «Уйла һәм җавап бир» викторинасы сорауларына җавап бирде, филвордта герой шәһәрләр исемнәрен тапты, «Парын тап» биремендә Бөек Ватан сугышының танылган кешеләре һәм геройлары фотосурәтләренә аларның исемнәрен туры китереп куйды, «Разведчиклар мәктәбе» турында үзләренең зиһенлелекләрен һәм игътибарлылыкларын тикшерде.

«Хәтер шәме» Бөтенроссия акциясе кысаларында гомумроссия бер минутлык тынлыгы мөһим мизгел булды. Хәзер ел саен 22 июньдә Мәскәү вакыты белән 12:15 сәгатьтә бөтен ил һәлак булганнарны искә алу өчен тынып кала. Акциянең асылы үзгәрешсез кала: кабызылган шәм — ул шәхси хәтер билгесе. Сугыш кырларыннан әйләнеп кайтмаганнарны, тылда хезмәт куйганнарны, блокада һәм эвакуацияне үз башыннан кичергәннәрне искә алып, без әлеге изге хәтерне саклыйбыз һәм киләчәк буыннарга тапшырабыз. 
Чара азагында балалар шәһәребезнең җиңүне якынайтуда ничек булышуы турында белгәннәре белән уртаклашты, һәм солдат тапкырлыгы һәм зирәклеге турында  «Циркач» дигән кыска вакытлы фильмны карады.